Ha ka jingjia iatyngkhuh kali, 3 ngut ki briew ki la mynsaw, hadien ba kawei ka Tata Sumo ka la ia tyngkhuh markhmat bad ka Maruti 800, kaba la jia ha u surok Shillong Bypass hajan ka shnong Umroi Nongrah ha ka por 4 shiteng eiei janmiet. Katkum ka jingtip ba la iohlum, la iathuh, ba kane ka jingjia tyngkhuh kali kaba la jia hapdeng ka Tata Sumo kaba don ia u number ML 06 A 8396 kaba dang leit sha Bhoirymbong pyrshah bad ka Local Maruti 800 kaba don ia u number ML 05 L 1483 kaba dang mih na Bhoirymbong.
Katto katne na ki nongleit nongwan kiba shong ha ka Tata Sumo, ki la iathuh, ba u nongniah jong ka Sumo u la ialeh katba lah ban kiar na ka jingiatyngkhuh bad katei ka Maruti hynrei namar ka jingpynher sted jong kane ka Maruti um shem la lah kiar shuh bad la kynnoh ruh ba u nongniah jong katei ka Maruti u la niah hapdeng ka jingshoh u khawiang.
Ha kane ka jingjia, 3 ngut ki briew kiba shong ha katei ka Maruti Car ki la mynsaw bad la pynkit noh sha Bhoirymbong CHC na bynta ki jingsumar bad na ka liang ki pulit ka Khapmara PIC ki dang pynlong ia ka jingtohkit.
You may also like
-
Ka KHADC bad JHADC ki dei ban pynkylla ia ka AD Rule: TW Chyne
-
Bun ki kren bein ia ka jaidbynriew Khasi hynrei ki pulit kim leh eiei
-
Buh thong ka Sorkar ban wanrah Film City ha Meghalaya
-
Pynlong ka CBC ia ka jingialang iamir jingmut halor ka jingkhuid bad ki jingbam tei met
-
Dang bishar ia ka jingdawa thung kynhun tohkit halor ka jingiakynad ha Garo: Conrad