U MLA ka Mawkyrwat, u Bah Renikton L. Tongkhar mynta ka 20 tarik u Lber, 2026 u la pynbna paitbah ba ka Rilang College, Mawsaw kaba la sdang ban tei mynta la katto katne snem, kan sa sdang noh ban ai jingshakri ia ki samla pule ka thain mynta u snem 2026.
Haba kren kum u kongsan ha ka jingpynhap pyrda noh ia ka Annual Sports Meet 2026 jong ka Mawsaw Govt. LP, UP & RMSA Secondary School hynnin ka 19 tairk Lber, 2026, u Bah Renikton u ong ba shen ka shnong Mawsaw kan sa don ha ka ‘map’ jong ka pule puthi hapoh ka Jylla, namar ba mynta hi u snem 2026 yn sa ioh ban plie noh ia ka Rilang College, Mawsaw.
U la iathuh ba ia ka jingtei ia ka College la dep ban pynieng hangne ha Mawsaw bad la dep ruh wat ban pynbna paitbah ‘advertise’ ia ki ‘post’ jong ki nonghikai kumba 5-6 ngut. U la iathuh ba na ka bynta kane ka Rilang College, ka la don ka jingkut jingmut ba ia ka jingai jinghikai yn sdang naduh ka Class-XI, XII (Arts Stream) bad ka BA.
Kumta, u Bah Renik u la kyntu ia ki samla ka thain Shiliang Um Rilang khamtam eh kito kiba wan na ki longiing ba duk ba mynta kim dei shuh ban dang khuslai na ka bynta ban bteng ia ka jingpule, namar ba shen kin sa ioh lad ban bteng ia ka jingpule kham shajrong ha kane ka Rilang College, Mawsaw.
You may also like
-
Byrngem khang ka KSU ia ki ophis, skul lada pynbor ban rwai ‘Vande Mataram’
-
Leit iakynduh u Conrad bad Prestone ïa u Lat, ban batai shaphang ka jinglong jingman ha rilum Garo
-
Iarap ka shnong Nongrim Jirang ia ki longiing ba shah rat eriong
-
Da ka PIL ujor ka AIM bym ioh jingiarap ki paitbah bym don Aadhaar
-
Kynthoh u Bah Prestone ia ka Congress, hato kam ïohi ia ka jingangnud ki paibah