Ka jingrakhe ia ka National Newborn Care Week 2024 ka la sdang naduh 15 –21 tarik u Naiwieng ha NEIGRIHMS, ha kaba ka Department of Pediatrics ka la pynlong ia ka Poster Presentation bad ka Health Talk ha ka 21 tarik u Naiwieng. Ki samla pule MBBS ki la wan ban iashim bynta ha kane ka jingrakhe halor ka mat, “Safety, Quality, and Nurturing Care – Birth Right of Every Newborn” bad ka jingthmu jong kane ka prokram ka long ban pynsngewthuh bad ban pynkup bor ia ki nongsumar ia ki jingtip ba kongsan shaphang ka jingai jingsumar kyrpang ia ki khunlung kiba dang shu kha.
Ia ki prokram bapher la pynlong ha ka Postnatal Ward, Pediatrics OPD bad Obstetrics bad ka Gynecology OPD, ha kaba ki samla pule ki la pyni ia ki jingthoh bapher kiba ai jingtip ba ia dei bad ka Kangaroo Mother Care (KMC) ban iada ia ki khunlang na ka Hypothermia, ka jingai bam ia ki khunlung kiba duna ha ka jingkhia bad ban khmih bniah ia ki khunlung kiba dang shu kha.
Hadien kane la pynlong ia ka jingkren halor ka koit ka khiah ne ka Health Talk da ka jingthmu ban pynshai ia ki kmie bad ki nongsumar shaphang ki jingsumar ryngkat ki ki jingbam teimet ban pynthikna ia ka koit ka khiah jong ki khunlung kiba dang kha.
You may also like
-
Wanrah ka sorkar ia ka IMA, ban ioh pyniaid ka ophis MR ia ki kam ha Jylla: Pala
-
Shen yn sdang ka sorkar ban pyntrei ia ka Project Bording ha Riangdo
-
Wad jaka ka Sorkar ban tei Central Jail ha Meghalaya
-
Lah ban shah pynduh tiket u kyrtong ka VPP na Nongstoin
-
Ujor sha Home Ministry ba byrngem ka KSP, ong u Bah Titos