Ha kawei ka jingjia accident kali kaba la jia tang namar ka jingshoh khawiang, kawei ka kali Dutsun kaba na Assam ka la leit ban rad syndon ia ki ar tylli ki iing briew kiba don harud surok bah National Highway 06 ha ka shnong Quinine Nongladaw, Ri Bhoi District.
Katkum ka jingtip ba la iohlum, la iathuh, ba ha ka janmiet jong ka 24 tarik Rymphang kawei ka kali Dutsun kaba don ia u number AS 01 FY 9950 ba la niah da u Sonuwbal Raj Dutta na Beltola Assam, u ba la shoh khawiang bha, hadien ba um lah tehlakam shuh u la leit ban tynrah syndon ia ki ar tylli ki iing briew haduh ba la julor hi phom katba u wei u ba shonglang u la phet krad na katei ka jaka.
La ioh jingtip ruh, ba donbok ba ha kane ka jingjia ym shem la don kano kano ka jingjia kaba sngewsih pyrshah ia ki trai iing lait noh ka jingjulor jong ki bynta ba shakhmat jong kitei ki iing.
Katkum ki durkhih, la iohi ruh ba ha katei ka kali Dutsun la dap smam da ki bitor kiad bad hadien ba la ioh jingtip halor katei ka jingjia na ka liang ki bor pulit ka Nongpoh Police Station ki la poi sha katei ka jaka bad ban rah noh ia u nongñiah ban leh ia ka medical test bad ban pynlong ia ka jingtohkit.
You may also like
-
Pyndep ka Sorkar ban thied jaka pynheh Shillong Airport
-
Pyrshah u Bah Sniawbhalang bad Wailadmiki ïa Bah Ardent ba pyndonkam tang Khasi ha ka jingïatai Bhah kam
-
Nalor ba sniew surok sa ka shah pynjaboh ka Nongkhnum
-
Mynjur ka kynhun Myntri ban tei kolej Veterinary, Fishery bad Dairy, ong u Conrad
-
Dang ap jingmynjur na ka MoRTH ban shna ïa ka jingkieng ïaid kjat