Hadien ka Operation Sindoor bad ka jingiaid bteng ka jingiakhun ka India pyrshah ia ki kam lehnoh, ka kynhun baroh ki seng sain pyrthei hapoh ka ri ba kynthup 7 ngut ki nongialam ba hakhmat kin leit sha ki Ri ka pyrthei ba iatreilang bad ka India bad kiba long dkhot jong ka UN Security Council mynta u bnai.
Kane ka kynhun jong ki seng sain pyrthei ha ka jingleit jong ki sha kiwei ki Ri kin pyni ia ka jingkut jingmut ka India ban iakhun pyrshah ia baroh ki kam lehnoh. Kin rah ka khubor sha ki ri ka pyrthei ia ka jingkhlain jong ka Ri ban iakhun pyrshah ia ki kam lehnoh bad ka Ri kam lah ban pdiang ia ki kam lehnoh.
Ki dkhot jong ka Parliament na ki seng sain pyrthei bapher bapher bad ki riew pawkhmat ha ki kam sain pyrthei bad ki ophisar ba peit ia ki kam shabar bad kiwei Ri, ki ban leit sha kiwei ki ri ban rah ia ka khubor pyrshah ia ki kam lehnoh ki kynthup ia u Shashi Tharoor na ka INC, Ravi Shankar Prasad na BJP, Sanjay Kumar Jha na JDU, Baijayant Panda na BJP, Kanimozhi Karunanidhi na DMK, Supriya Sule na NCP bad u Shrikant Eknath Shinde na ka Shiv Sena.