U Nongialam ka National People’s Party (NPP) ba dei ruh u Symbud Myntri Rangbah ka jylla u Bah Sniawbhalang Dhar hynne ka sngi ula ong, “Ha nga shimet nga kmen lada u Dr Mukul Sangma u wan pyniasoh noh bad ka NPP”. Ïa kane u Bah Sniawbhalang ula jubab halor ki khubor hamsaia ba u nongialam ka TMC u Dr Mukul Sangma uba dei ruh u Nongialam ka Liangpyrshah un wan iasoh bad ka NPP.
Haba kren sha ki lad pathai khubor u Bah Sniawbhalang ula ong, u Dr Mukul u dei u nongialam uba la ieh bha hapoh ka Jylla bad u tip bha, ha shuwa ba un kren. “Nga burom ïa u Dr Mukul bad ngi ia dei paralok bha, ngam kwah ban kren ïa kaei kaba la jia ha ki snem ba la dep” ula ong.
Haba iadei bad ki khubor hamsaia, u nongialam ka NPP u la ong “Ka ilekshon ka dang jngai sa palat 2 snem shiteng, ka por ka sa wan ban ïakren halor kita hynrei ha nga shimet, ngan dei u briew ba kmen palat lada u Dr Mukul u wan bad ngi”. U Bah Sniawbhalang ula ong, ka por kam pat dei ban ïakren halor ki jingwan iasoh ne phet seng ki nongialam.
You may also like
-
10 sngi ai por ban jurip ka tnad Tnat Urban bad DS Laitumkhrah
-
Ïaroh u Bah Hamletson ïa ka skul Lawsohtun Presbyterian ia ka jingshakri ha ki 75 snem ban ai jingstad ïa ki khynnah
-
Ther u Dr. Mukul ïa u MLA barim Mominin ba ki la shah ban thep kyrteng ban ïakhun MDC
-
Hadien 14 snem urlong ka Seinduli PHC, jurip u MLA Mawshynrut ryngkat ki Engineer
-
Wan nyngkong ka Meghalaya ha ka Ri ban kynjoh 86 percent ki skul ba lait na u duma