U President ka Khasi Student Union (KSU) u Samla Lambokstarwell Marngar hynne ka sngi ula ong “Ngan iai pynkynmaw ïa kawei ka jingshisha ka long ba ngi dei u Khasi daka snam bad ki nong India daka ba shah pynbor’.Ïa kane u President ka KSU ula kren haka jingialang hadien bala pynlong iaka jingiaid paidbah ban kynmaw iaka sngi ‘Kyrsiew Ri’ lane ka Khasi National Awakening Day ha Laban.Haba kren ha kane ka sngi u President ka KSU ula ong ba ha kane ka juk ba mynta don kiba ka klet namar ka jingshah ialam bakla halor ka jinglong kyrpang ki trai ri trai muluk ka bri Hynniewtrep.”Ka jingshisha ka long ba ngi dei u Khasi daka snam bad ki nong India daka ba shah pynbor, ioh lehse ngi klet namar kum kine ki sngi ka don ka jingïalam bakla, u Tirot Sing, u Kiang Nangbah ki khlem shah iaka jingjynjar, ki khlem len lade na bynta ka ri India hynrei na bynta ka bri hynniewtrep baroh kawei” la ong u samla Lambok.
U President ka KSU ula kam ba haka por ba iakhih u Tirot Sing bad u Woh Kiang Nangbah, u Mahathma Gandhi um pat phohsniew ban iakhih laitluid iaka ri India. “Hnrei kum kine ki sngi pat ka don ka jingpynsngewthuh bakla, nga kwah ba ki hep barit bad ki pateng jong ngi kidei ban tip namar kum ha kine ki sngi, nga ïohi ba kum ka jaidbynriew ka shah teh shah khum ha baroh ki liang” ula ong.U President ka KSU ula aong ba la bun tylli ki snem, ka kala don ka jingïakren shaphang ka ILP kaba ka KSU kala pynsngew lyngba ka Sorkar Jylla shaka Sorkar India hynrei haduh mynta ki bor Sorkar ki leh kuman bad sngap jar. ‘Ka KSU kadei tang ka nongkyrsiew bad nga kwah ban ong ba ki khun samla kadei ka por ïa ngi ba ngin mih shakhmat ban leh eiei ym dei ban mih shakhmat ban woh bad kynthoh ïa kaei ba ki samla kila leh” ula ong.
U samla Lambok ula ong ba ki jingma ki ap ha bun rukom ym tang namar ka jungjyllei ki poiwir hynrei kaba kham ma, mynta kadei namar ka jingdon ki nongdie ri.”Ka jingkylli ka long, ngim shym la pynlong ka tamasa iaki mat ki jura jong ka jaidbynriew baroh kawei, lada ki paradoh parasnam kiba im sngi ban kynthoh ban woh, lada ki ai por jong ki tang shiteng ban shakri iaka jaidbynriew nga sngew ban ong ba ngin nym ïohi mynder shuh hapoh ka jaidbynriew jong ngi” ula ong.
You may also like
-
Plie u Myntri Sorkar ïa ka surok thymmai hajan NEFA Secretariat
-
Sdang nyngkong eh ka Shad Paskha ha u 1971 da u missionary na Italy
-
Bynñiaw ka MSWDA halor ka jingbym lah ka sorkar ban shimkhia ïa jingeh ki skul
-
Pynkuid wah Urkaliar ka SDRF ha ka Operation Clean Up
-
Kum ka jaitbynriew rit paid, donkam ban iai kyriew ban shngaiñ ka Ri