Ngi don jingiadei ba iajan bad ki Khasi, namar ka kmie ka dei na Shillong: Udita Goswami

Ka tyngshop phlim hindi ka Udita Goswami ka la pynshongshit da ki jingtem bad rwai DJ ha ka Megong Festival ha ka 29 tarik Sngi Thohdieng ha Baljek Air port, West Garo Hiills, Haba kren ha ki nongthoh khubor ka Udita ka la ong, ka don ka jingiadei ba iajan bad Khasi namar ka kmie jong ka, ka Monika Giri ka dei na Shillong ki don ka iing ha Lawer Mawprem, Shillong. Nga bun ki paralok ha Shillong, kiba dei kiba haiing na ka kur Marbaniang, ki Nepali namar imei ieit i dei Nepali bad nga sngew tynnad ban wan sha ka Meghalaya, namar ka jingitynnad ki jaka bad ka long kum ka ‘Scotland of the East’. Nga ju leit kai sha Shillong Peak, Elephan Fall, Cherrapunji, la ong ka Udita bad bynrap ka ju sngew tynnad ban thied jingthied ha ha Police Bazar.

Ka Udita ka la ak bun ki phlim hindi kynthup ka ‘Seher’ bad Imram Hasmi ba dei u pra kynshi, ka ‘Paap’ bad u John Abraham, ka ‘Dairyof Butterfly’ bad ka la don bynta bun ki phlim hindi ryngkat ka Poja Bhatt bad kiwei. Hynrei ka la sangeh noh ban ak phlim ha kine ki khyndiat snem hadien ba ka shong kurim bad ialam ia kynhun rwai DJ. Ka la iathuh ba ki don bun kiba tyrwa ban bteng ia ka kam ak phlim hynrei kam pat rai ia mynta, Ka Udita kam dei tang ka aktres ka dei ruh ka model ba la paw ha India don bynta ha rynsan iakop bapher bapher bad ka la trei ruh bad ki kompani kum ka Pepsi, Titan Watches ban pyniaid ia ki tiar kompani.

Ki paidbah ka ri lum Garo bad Khasi-Jaintia na kiwei ki jylla ba majan tuid da ki hajar sha ka Tamasa Megong 2024 kaba la pynlong ha Baljek, West Gora Hills ha ka 29 bad 30 tarik Naiwieng ban sngap ia ki nongrwai bad nongtem ba pawnam na ka Ri bad na shabar ka Ri kynthup ka kynhun nongrwai na Europe, Indus Creed, Shanka Tribe, Euphoria, u Gejendra Verma bad kiwei kiwei.