Palat 800 ngut shim bynta ki samla ha ka NIELIT Shillong Job Fair

Ka National Institute of Electronics & Information Technology (NIELIT), Shillong ha ka jingiatreilang bad ka Ophis Divisional Employment Exchange hynne ka sngi ka la pynlong ia ka NIELIT Shillong Job Fair 2026 ha Soso Tham Auditorium.Ha kane ka Job Fair la sakhi ia ka jingwan shim bynta jong ki palat 800 ngut ki samla wad kam.Ha kane ka sngi la iohi ruh ba 18 tylli ki Company bad ki kynhun sengkam kiba khring iak i sanla wad kam wad jam. Ka Job Fair ba shisngi ka kynthup ka On-spot Interviews, Career Counseling bad Employer Presentations kiba ai ia ki kam ha ki IT & Hardware, Security Services, Education, Automotive, Wellness bad Staffing Services. Ki company kiba khring ia ki samla wad kam ki kynthup ia ka Eastern Panorama, Vision Plus Security Control Pvt. Ltd., ka Ascensive Educare bad ka Techsoul, nalor kiwei pat.

“Ka jingwan shim bynta ki samla wad kam ha kane ka sngi ka la palat ia kaba la khmih lynti bad ka pynpaw ia ka jingkhlain jong ki samla kiba tbit ha ka thain”, la ong u nongaiktien ka NIELIT Shillong. “Ki jingïalang kum kine ka pyniajan hapdeng ki samla wad kam bad ki nongai kam, ka pynsted ïa ki jingpynrung kam. Ngi shim khia ban bteng ïa kum kine ki jingpyrshang ba ïatreilang ban pynthikna ïa ki lynti treikam kiba neh na ka bynta ki samla jong ngi,” ong ka NIELIT.Ki nongai kam ki pyntip ïa ka jingwan jong ki kyrtong kiba tbit bad ki la ïaroh ïa ka jingpynbeit jong ka jingïalang bad ka jingpynkhreh ïa ki kyrtong wad kam.

Ka jingïalang ka la pynpaw ïa ka jingdonkam jong ki jingïatreilang ha ka thaiñ ha kaba ïakhun pyrshah ïa ka jingbym don kam bad ki jingthmu ban pyntbit ïa ki sap jong ki samla.Ka NIELIT Shillong ka la ong ba ka thmu ban pynlong ïa ki jingïalang buddien bad ki jinghikai ba la thmu ban ïarap ïa ki kyrtong ban pyndep ïa ki jingdonkam ba kyrpang jong ki nongai kam ba la ithuh ha ka por ba pynlong iaka Job Fair.