Palat 90 percent la dep ka jingtei, lah ban pynlong Dorbar Synrai ha Iingdobar thymmai

U Lamphang ka iingdorbar thawaiñ ka jylla u Thomas A Sangma ula ong ba um kwah ban leh kyrkieh ban pynlong ia ka dorbar mamg tyngka sha ka iing dorbar thymmai hynrei u kwah ban pynthikna shwa ia ka jingshngain ia ka jingtei baroh bad u khmih lynti ia ka Dorbar Synrai yn lah ban pynlong ha ka iingdorbar thymmai ka jylla ha Mawdiangdiang, New Shillong.

“Kum u Lamphang bad u Khlieh ka iingdorbar thawaiñ ka dei ka kamram ban pynthikna ia ka jingshngain ki dkhot. Kham mynshwa ka don ka jingjia ha kaba iapein ia ka jingshngain ka jingtei. Hynrei mynta ka kynti, ngim shym la khein sting kumta dang lah ba slem ban ia kaba ym ioh shuh” ong u Lamphang hadien ba lawai ka jingialang ka High Power Committee (HPC). U Thomas ula ong, kumba ka long mynta ka jingtei ia ka iing dorbar ka la dep palat 90 percent bad ka jingtei ia ka Dome bad ia ka Main Hall, la dep ban tap lut bad ha ki sngi ban wan yn pyndep noh ki kam baroh bad hadien yn sa pynbiang ia ki jingdonkam baroh.

Ula ong na bynta ka jingshngain la buh ia Dome ba khia 300 Metric Ton ha ka jaka 3000 Ton uba mynshwa ban pynduna ia ka jingkhia bad pynkhlain ia ka jingtei baroh. U Lamphang ula iathuh ba la pyndep ia ka jingleh Safety Auditing bad nalor kane ka la don ka PMC, u Technical Adviser bad ka tnad PWD ba iatreilang bad ki don ruh ia ki riewshemphang ba peit bniah.