Ka tnat Building Bye Laws jong ka KHADC kala ioh lum T.3,20,26,834 klur ka khajna ban ai jingbit tei Building ha u snem 2022-2024. Ha u snem 2022-2023 ka jingioh lum ka long T. 51 lak, 2023-2024 ka long T.1,64,47, 685 bad ha u 2025 haduh Nohprah ka long T.1, 39,184. Ia kane la pyntip da u Executive Member (EM) ka tnat Building Bye Laws u Bah Teibor Pathaw haba jubab iaka jingkylli bala wanrah da u Nongialam ka Liangpyrshah u Bah Titos W Chyne.
U Bah Teibor u la iathuh ba ka por ban ai jingbit ban tei building ka shong haka jingkloi ki nongpan jingbit ban pyndep iaki jingdonkam ka Building Bye Laws. U la iathuh ba ka tnat Building Bye Laws ka sang duna briew watla kata ruh ki Ophisar ka KHADC ki ju leit ban jurip iaki jingtei bad ki trai Building.
“Ngi la thoh ruh shaka tnat PHE bad MeECL ka Sorkar Jylla ba kim pat dei jingbit ban tan um bad Bording katba ki trai Building kim pat ioh jingbit naka KHADC” la ong u Bah Teibor.
You may also like
-
Ha Tura, Jowai bad Shillong yn pynlong ia ka Audition Miss Universe Meghalaya
-
Ka NCP kam ai lad ia ki bar jylla ban iakhun MDC ha GHADC
-
Ka jingiapher ki ktien kam dei ban wanrah ka jingiapait ha ka sain pyrthei
-
Ka jingkhang tih dewiong ka long kumba knieh pliangja kam long kaba suk: Conrad
-
Byrngem VPP ban khang tala ia ka ophis JHADC, lada ym siew tulob ia ki nongtrei hapoh 16 tarik