U Symbud Myntri Rangbah ba khmih ia ka tnat kam Pohiing (Police) u Bah Prestone Tynsong ula pyntip ba ka jinglong jingman ha khappud ka Assam-Meghalaya ka la jai jai mynta. Haba kren sha ki lad pathai khubor u Bah Prestone ula ong, ka Sorkar ka la pyrshang kyrpang ban wanrah ia ka jinglong shngain ha shnong Lapangap, West Jaintia Hills. U Bah Prestone ula ong ba ka Sorkar ka la buh ia ka ktem Pulit ba shipor (Temporary Outpost) ha Lapangap bad la buh haduh 30 ngut ki Pulit ba treikam 24 kynta na bynta ka shongsuk shongsain.
Ula iathuh ka Sorkar Assam ruh ka la buh mar katjuh ki Pulit sha shiliang u pud jong ka. “Khlem pep, u Myntri Rangbah un sa iakren ia kane ka kam bad u Myntri Rangbah ka Assam. Ym tang katta, ka jingiakren lyngba ka phone ka la don hapdeng jong ki halor kane ka kam” la ong u Bah Prestone. U Bah Prestone ula pynpaw ia ka jingsngew skhem ba ka jinglong jingman ka la kham jai jai bad iathuh ba u Myntri Rangbah ka Jylla un sa iakren bad u Myntri Rangbah ka Assam ban pynbeit noh ia ki kam ba dang sahteng.
Halor ka jingkylli u Bah Prestone ula ong ka lad ban pynkylla ia ka ktem pulit shipor sha ka ktem ba neh junom yn sa bishar hadien ba ki jinglong jingman ki la jai jai.
You may also like
-
Iathir ki heh shipai Assam Rifles ban pynkhlain bad pyntbit ia ki shipai
-
Mynsaw ki khynnah skul ba kyrwit u phria bad erïong ha Jakhong
-
Kan poi ka por ngin ialeh thma na bynta ka um lada ngim iada ia ki tyllong um:DC
-
T.4.61 klur mang ban tei ia ka R&D Centre ha State Food Testing Laboratory Laboratory
-
Ka Meghalaya ka duna ki ‘Doctor Specialist’, ngi don tang 30 percent: Wailadmiki Shylla