Plie kamra klas thymmai u MR ha RBS Kolej

Ka Ri Bhoi Synod Collage, kawei na ka shlem ai jinghikai sha ki samla pule jong ka thaiñ kaba don ha Umsaitsning, Ri Bhoi District, mynta ka sngi ka la plie noh ïa ki kamra klas ba thymmai lyngba ka Skim Chief Minister Special Development Fund (CMSDF) kaba la kot ha ka jinglut 26 lak 72 hajar Tyngka.Ïa katei ka ka kamra klass kaba thymmai jong ka Ri Bhoi Synod Collage la wan ban plie paidbah mynta ka sngi ka 11 tarik Naiwieng da u Myntri Rangbah Ka Jylla u Conrad K Sangma Kum u Kongsan ha ka jingïadonlang u Myntri ka Sorkar Jylla u Bah Sosthenes Sohtun uba dei ruh u MLA ka Jirang bad nalor kitei la ïadonlang u MLA ka Umsning u Dr. Celestine Lyngdoh, MLA ka Mawhati Bah Charles Marngar, MLA ka Nongpoh Bah Mayralborn Syiem, MLA ka Umroi u Bah Damanbait Lamare, nangta u Pastor Precius Timung, Principal ka Ri Bhoi Synod College lem bad shibun kiwei ki riew pawkhmat na Ri Bhoi.

Kum ban pynpaw ia katei ka Ri Bhoi Synod College, la plie ha u snem 2017 da ka jingthmu ban kyntiew ïa ka jingnang ka jing stad haki khun samla bad kumba ka long mynta, katei ka College, ka la nangkiew shakhmat shaphrang halor ki kam ban ai jinghikai ia ki samla kiba pule hapoh katei ka College, bad kane ka jingioh ban plie noh iaka kamra klas kaba thymmai kan nang ai bor shuh shuh iaki Nonghikai bad ki nongpyniaid katei ka college ba kin sam ia ka jingnang jingstad kaba kham paka shuh shuh sha ki samla pule kiba wan ban wat jingstad na kane ka college.

Haba kren ha katei ka sngi, u Conrad K. Sangma, ai jingiaroh ia kiba la don bynta ha ka ban tei ia katei ka College, kaba la long kum kawei na ki shlem ban ai jingnang jingstad ia ki samla pule ym tang ia ka thaiñ Umsning, hynrei na bynta ki samla pule hapoh ka Distrik hi baroh kawei.Nalorkata, u Conrad K. Sangma, u la kular ruh ba un thawlad na bynta ban pynioh ia ka Auditorium Hall ha katei ka college lem bad kiwei pat ki lad jingiarap bad kiba donkam na bynta ban nangpynjanai shuh shuh ia katei ka College, khnang ba kan long kum kawei na ki College kaba biang, na bynta ban ai jinghikai ia ki samla pule.