Plie u MR ia ka Computer Lab ka Mawlai Presbyterian Kolej, kular ban nang ai jingkyrshan

U Myntri Rangbah ka Jylla Meghalaya u Conrad K Sangma hynne ka sngi ula plie ia ka Computer Lab kaba dang shu tei thymmai jong ka Mawlai Presbyterian College ia kaba la bei pisa lyngba ka Chief Minister’s Development Fund (CMDF).Ia ka Computer Lab la shna ha ka jinglut kaba kot T.10 lak ban kyntiew ïa ka jingpule digital bad ai lad ïa ki samla pule ban ïarap ia ki khynnah katkum ka juk mynta. Haba kren ha kane ka sngi u Myntri Rangbah ka Jylla ula kdew ba ka jingdonkam ia ki kor Computer la pynsngew ha u naduh ki por ba u wan jurip nyngkong ia ka College bad mynta u pynpaw ia ka jingsngewkmen, namar ka Computer Lab ka la urlong.U Conrad ula ban jur ïa ka jingdonkam jong ka pule puthi kum ka bynta ba kongsan tam na ka bynta ka Sorkar bad ula kubur ruh ba ki don ki jingeh kiba dang ïai bteng ban don hapoh ka tnat pule puthi jong ka Jylla.

Wat hapdeng ki jingeh, u Myntri Rangbah ula pynpaw biang ïa ka jingangnud jong ka Sorkar ban pynkhlain ïa ki jaka pule bad ban pynbha ïa ka jingïoh ïa ka jingpule kaba bha na ka bynta baroh ki samla pule.Nalor kane u Myntri Rangbah ula pynthikna ban bteng ïa ka jingkyrshan ïa ka Mawlai Presbyterian College da kaba pynbna ïa ka song pisa ba T.10 lak na ka bynta ka jingtei ïa ka Building thymmai jong ka College. Ula ai ruh ïa ka jingïarap ba T.3 lak ban kyrshan ban thied ïa ki tiar tem bad pynshlur ïa ki samla pule ban shim ruh ïa ki kam ba shabar jong ka jingpule.

U la ai khublei ia ka kolej na ka bynta ka jingaiti jong ka ban shakri ia ki samla bad ula ban jur ia ka bynta jong ka balang, ha ka imlang sahlang bad ka sorkar ban kyrshan lang ia ki jaka pule.Ha kane ka prokram la donlang ki dkhot jong ka governing body jong ka College, principal, ki nonghikai, ki rangbah balang, bad ki samla pule jong ka kolej.