Plie u Myntri khynnah ka tnad DoNER ïa ki skhim ba T.1.93 klur

U Union Minister of State ka Ministry of Development of North Eastern Region u Dr. Sukanta Majumder mynta ka sngi u Blei ula shim bynta ban sakhi kum u kongsan ia ka jinglehniam Behdeiñkhlam ka Seiñraij Mukhla lyngba ka vedio conference ne ka rynsan internet, kaba la pynkut mynta ka sngi hapdeng ka jingiphuh i pheiñ ki rong ki rot ba la pynhiar hapoh ka Syiem Aitnar ha ryngkat ka shad kmen, ka kynhoi risa ki khun niamtre ka Raij Mukhla lem bad ki sur jong ki bom ki bhuri. Kiwei pat ba la wan hiar sakhi da lade hi ia kane ka Behdeiñkhlam kynthup u Sñiawbhalang Dhar symbud myntri ka sorkar Jylla uba long ruh kum u symbud kongsan, nangta u Satinder Kumar Bhalla Secretary NEC, u Sunil V. Deodhar, Social Worker, u Kyrmen Shylla myntri ka sorkar Jylla, u Lahkmen Rymbui Chief Advicer ka sorkar Jylla, ka Santa Marry Shylla MLA Saipung Sutnga, kiba mihkhmat naki Raij ki Elaka bapher bapher.

Ha ka jingialang lyngkot ba pyniaid da u Wailadmiki Shylla MLA ka thaiñ, u Dr. Sukanta Majumder u la plie ruh ia ki 6 tylli ki skhim ba la dep pyntrei ha ki 6 tylli ki Raij lyngba ka jingiarap pisa ka North Eastern Council hapoh ka Ministry of DONER, ka sorkar kmie ha ka mang pisa ba 1,93,08,34.00/- klur. Ki 6 tylli ki skhim kynthup ha shnong Tuber jongka Seiñraij Tuber da kaba shna iaka ïing shong peitkai haka por shad Behdeiñkhlam, haka Seiñraij Muthlong kila shna daka iing cultural hall, ha Seiñraij Ialong kila shna iaka jaka shong peitkai nangta u surok khyndew bilat bad ka kynroh, haka Seiñraij Kongwasan Chyrmang la shna pynheh iaka jaka shong peitkai por Behdeiñkhlam bad ka i kynroh, ha Seiñraij Sohkymphor ruh la shna daka jaka shong peitkai, kumjuh ha Seiñraij Mukhla ruh  la shna daka jaka shong peitkai haka por Behdeiñkhlam kaba kila ioh ruh ban  pyndonkam mynta.

U Dr. Sukanta Majumder haba kren ula iaroh iaka jinglong kyrpang ki jaitbriew ka Jylla Meghalaya, bad ong ruh ba haka jinglamkhmat  u Prime Minister u Narendra Modi kila ialeh bha ban peit kyrpang naka bynta ban kyntiew iaki briew ka thaiñ North East haki bynta bapher bapher, bad ban kyntiew ruh iaka nam ka burom ka Jylla Meghalaya haba iadei bad ki kam jngohkai. U ong ruh ba ka sorkar kmie ka ai jingkyrshan ia ka  nam ka burom ka Rilum Jaiñtia halor ka jinglah jongka ban pynmih ia u shynrai Lakadong uwa da bna nam haka Pyrthei. Nangta ka kyrshan ruh iaka Jylla Meghalaya haka jingiadei ban pynneh pynsah iaka riti dustur nalor ban wanrah ruh ki buit ki lad thymmai nei ka bynta ka roi ka par.