Plie u myntri rangbah ka jylla ïa ka block integrated development complex jong ka mairang c&rd block

U myntri rangbah ka jylla Meghalaya u Conrad K Sangma ha ryngkat u myntri ba dei khmih ïa ka tnat Community and Rural Development u AT Mondal bad ka myntri ka tnat ka koit ka khiah ka Dr. M Ampareen Lyngdoh haka 12 tarik u nailar 2025 ki la plie paidbah ïa ka Block Integrated Development Complex jong ka Mairang C&RD Block, nangta ïa ka Sick New Born Care Unit (SNCU), ïa ka Paediatric Intensive Care Unit (PICU), ïa ka Adult Intensive Care Unit bad ïa ka High Dependency Unit (HDU) jong ka Tirot Sing Memorial Civil Hospital Mairang.

Ha kane ka jingïalang la ïadonlang ruh da u myntri ka tnat kam ïalehkai ka sorkar jylla u bah Shakliar Warjri, u MLA ka Mairang u bah Metbah Lyngdoh, ki nongtrei sorkar, ki paidbah nalor kiwei kiwei. Naka liang u myntri rangbah ula aiti ban plie bad ban khap ia u ribbon jong ka ïing ba thymmai jong ka Block ha u samla Marborsing Marbaniang uba dei u nongïoh ïa ka khusnam North East Young Talent Artist bad u Traditional Artist. Ha kane ka juh ka sngi u myntri rangbah ka jylla u la leit ruh ban plie ïa ka silver jubilee ka Pyndengumïong Presbyterian Secondary School Mairang ha kaba u la pynbna ban ai jingïarap 15 lak tyngka naka bynta ka building jong ka skul bad 3 lak tyngka naka bynta ka Organizing Committee.

U la ïa thuh ba ïa kane ka 18 lak un ai lyngba ka Chief Minister Special Development Fund. Ha ka juk ka por u myntri rangbah ka jylla ula kular ruh ban pynïoh ïa ki tiar tem naka bynta ka School. Shuh shuh ha kane ka sngi u Myntri Rangbah ka jylla u la leit ruh ban plie paidbah iaka ïing skul ba thymmai jong ka Manai Higher Secondary School haba u la aiti ruh 25 lak sha ka Skul.