Hynne ka lah Sngi U Blei, ka ding kaba shyrkhei ka la bam duh ia lai tylli ki dukan bad kawei ka iing briew. Kane ka la jia ha ka por janmiet ha Jhalupara, Shillong. Ha kane ka jingjia la ioh jingtip ba lai tylli ki dukan bad kawei ka iing briew ka la ingkhong khait.
Na ka liang ki pulit pynlip ding ki la her bran bran sha katei ka jaka ban tem ia ka ding na ka jingklang sha kiwei pat ki dukan bad ki ïing. Halor kane ka jingjia ym pat shym la ioh jingtip ia ka jingdon ki briew ba mynsaw, lane haduh katno ka jingjulor ba la mih na katei ka jingpluh.
Shuh shuh ia ka daw jong ka jingpluh ruh ym pat ioh jingtip haduh mynta, bad na ka liang ki pulit ki la pynlong ia ka jingtohkit kaba bniah halor kane ka jingpluh ding.