Pyllait ka MLCU lai ki kot kynthup ‘Rain-U Slap’ ha Nanpolok

Ka Martin Luther Christian University Press (MLCU) Press ka la pyllait lai tylli ki kot thymmai na ka bynta ki khynnah “Picnic and Pine Needles, Rain-U Slap bad Taptung Tangthu” ha ka Winter Tales Festival ha Nan polok ha ka 12 tarik Nohprah 2025. Kane ka jingïalang ka long ka dak ba kongsan ia ka jingiaid lynti ka University Press ban kyntiew ïa ki thoh  kot bad pule  puthi ha ka thaiñ.

La plie ïa ka prokram da ka Dr Larilin Kharpuri, Pro Vice Chancellor, kaba la pynpaw ïa ka jingkordor da kaba kdew ba ka Taptung Tangthu ka mihkhmat ïa ka jingpynmih kot banyngkong ïa ki khana pateng ha ka ktien Paite da ka MLCU Press. Ki kot ba la pynmih ki long ha ki ar tylli ki ktien, ka ktien Phareng–Khasi bad ka ktien Phareng–Paite, kiba pynpaw ïa ka jingpyrshang ba dang ïaid shakhmat jong ka Press ban kyrshan ïa ka jingpher jong ki ktien bad ban pynshlur ïa ka jingpule kot hapdeng ki khynnah bad ki kmie jong ki.

Ha kane ka sngi ka Dr Larilin Kharpuri ka la pyllait paidbah ïa ka logo thymmai jong ka MLCU Press, ïa kaba la pynrung ha baroh lai tylli ki kot ba dang mih thymmai.Ha ka jingkren u Vice Chancellor, u Dr AA Mao ula ong, ka jingdonkam ban pynmih ia ki kot na ka thain ha ki jaka pule ban pynroi ia ka jinglong tynrai bad ki pateng tynrai bad ialam ia ki paidbah bad ki samla pule ha jaka ban pyllait ia ki kot.Hadien ba la pyllait, ki nongthoh ki lai tylli ki kot ki la ai jingkren lyngkot shaphang ki jingtrei jong ki ban thoh kot ban ai jingmut shaphang ki khana bad ki rukom thaw kiba don sha lyndet jong ki.Ia ka jingialang la pynkut da ki jingialehkai ba la pynlong da ka MLCU Press, ha kaba ki khynnah ki la iashim bynta da ka jingkmen bad ka jingkmen, kaba la noh synniang sha ka jingrakhe kynmaw  ia ka thoh ka tar.