Ka State Election Committee jong ka National People’s Party (NPP) hynne ka sngi kala mynjur iaka thup kyrteng ba nyngkong (First List) jong ki kyrtong ki ban iakhun haka ilekshon MDC jong ka Garo Hills Autonomous District Council (GHADC).
Ka thup kyrteng jong ki kyrtong ki ban iakhun haka ilekshon MDC sha GHADC ka kynthup na Siju constituency-Calis G Momin, Wagesik- Jewil S Mark, Gasuapara-Sengchim N Sangma, Barengapara-Kapilson A Sangma, Babelapara- Rakesh A Sangma, Amongpara- Balsrang Arengh, Tura- Charmingstar N Sangma, Dengnakpara- Kredithson Ch Marak, Nogorpara- Linekar K Sangma, Zikzak- Sanjay A Sangma, Betasing- Sanjay Koch, Rochonpara- Arbinstone B Marak, Asananag- Anseng A Sangma, Balachanda- Andresh Ch Marak, Batabari-Maxwell M Sangma, Shyamnagar- Peterjop A Sangma, Jengjal- Grahambell A Sangma, Rongrong- Sunny Rogers G Momin, Bolsong-Pongseng R Sangma, Damas- Dolly K Sangma, Kharkutta- Mody M Sangma, Samandagre- Nihim D Shira, Darugre- Henen R Sangma bad na Williamnagar constituency u Sengbath R Marak.
Ia kane la pynbna da u Myntri Sorkar uba dei ruh u Spokesperson NPP u Marcuise N Marak bad u la ong ba haki sngi ban wan ka Party kan sa pynbna sa iaki 5 ngut ki kyrteng jong ki kyrtong kiba dang sah.
Haba kren shaki lad pathai khubor u Marcuise u la iathuh baka Party daka jingshemkhia kala rai ban nym ai Ticket ia u Chief Executive Member (CEM) ka GHADC u Albinush R. Marak.
“Ngi la pynduh ticket ia u CEM ba mynta, uba mihkhmat ia ka Siju Constituency, hapdeng ki jingeh kiba khraw, ngi la shim ia kane ka rai namar ka jingkylli ba un dang jop biang kala mih” la ong u Marcuise.
“Hynrei, ngi la kyrpad ia u ba un ai ka jingiatreilang bad ka rai jong ka party” u la ong.
“Ngi ai Ticket ia ki kyrtong hadien ka jingbishar bniah ban pynthikna ba kin ioh iaka jingjop namar kata ngi la rai ban nym ai Ticket ia u CEM ha kane ilekshon MDC ban wan” la ong u Marcuise.
U Marcuise u la iathuh ba ka NPP haduh mynta kam pat lah ban shim rai haba iadei bad ki kyrtong ban pyniakhun na Raksamgre, Naguapara, Bocdamgre, Silkigre bad na Rongrikkimgre constituency.