Pyllait ka Seng Khasi ia ka ‘Digital Almanak’

Ban ia tyllun bad tbeh lem sha kane ka juk stad techonology kaba mynta,  ka Seng Khasi Kmie, ka la lah ba kan jam pat sha uwei pat u mawmer u jong ka, bad kane ka long da ka jingpyllait paidbah da u President u jong ka u Rgh O. Pyngrope, ia ka Seng Khasi Digital Almanak, ha ka jingialang kaba la long ha Lum Sohpetbneng hynnin ka sngi ka 26 tarik u Kyllalyngkot 2025. Ia kane ka Seng Khasi Ddigital almanak, la pynkhreh bad pynbit pynbiang ia ka da uwei na ki samla rangbah u Seibor Wankhar, ia kaba da ka mynsiem kaba khlur, ia aba u la aiti pat sha ka Seng Khasi Kmie ba kan pyllait ia ka mynta ka sngi. Na ka liang u samla rangbah Seibor Wankhar, ha ka jingkren ka jong u, um lah ban khlem da ai khublei ia ka Seng Khasi Kmie, kaba la kloi ba kan pdiang ia kane ka jingtrei ka jong u , kaba ha ka sien sdang kaba mynta lah ban pyndonkam da ki androit mobile.

U samla Seibor, u pynpaw ba ia kane ka digital almanak, ka dei kaba u la pynwandur kat kum ka almanak kaba la shon bad die paidbah ia ka da ka Seng Khasi Kmie.Ka jingmyntoi kaba kongsan eh kaba lah ban ioh lyngba kane ka digital almanak ka long ba lada don kino kino ki seng kiba kwah ban ai ia kino kino ki jingtip kum ki sngi long seng kyrsiew, ki shad suk mynsiem, ban tip bad bna iar da shi tyllup ka pyrthei lah ban ai jingtip pat sha ka seng kmie khnang ba kan lah ban  pynrung ha kane ka app.

Ha kane ka jingpyllait ia kane ka digital almanak, la ioh ia ka jingkren maitphang kaba la ai dau Rgh P.D Nongrum vice presIdent, nangta ka kyntien pynbna iar ne pyllait paidbah kaba la ai da u President u Rgh O. Pyngrope bad ia ka jingialangh baroh kawei la pyniaid ia ka da u Rgh P.B Synrem Asst Genl. Secy, Seng Khasi Kmie.