Ka United Democratic Party (UDP) ka la pyllait ia ka thup ki kyrtong kaba ar ki ban iakhun ia ka ilekshon MDC sha KHADC bad JHADC. Na kine ki 9 ngut, lai ngut ki ban iakhun sha ka KHADC kiba kynthup ia u bah Suly Lyngdoh na Mawsynram, bah Gilbert Laloo na Mylliem bad u bah Ryngkatlang Lyndem na Lyngkyrdem-Laitkroh Constituency. Katba 6 ngut ki ban iakhun sha ka JHADC ki long, u bah Medling M Swer na War East, bah Kat Massar na War Central, bah Shlur Lamin na War West, bah Damian S War na Mynsngat Khanduli, bah Rimilanki Synnah na Nartiang-Wahiajer, bah Wailad Suchiang na Musniang Rangad.
Ka ilekshon MDC kan long ha ka 21 tarik Rymphang bad yn niew vote ha ka 24 tarik ujuh u bnai. U President ka UDP u bah Metbah Lyngdoh haba kren ha ka jingialang pynbna kyrtong, ula ong ba ka jingjied ka party ia ki kyrtong ka la iaid lyngba haba shit ba shai khlem da noh shilliang. U la ong ba ka party ka pynieng ia kine ki kyrtong da ka jingkyrmen ba kin poi sha ka thong jingjop. Ha kane ka sngi la donlang u General Secretary ka UDP u Dr. Jemino Mawthoh, u bah Paul Lyngdoh, u bah Olland Suin, u bah Beyond Kurbah MLA, nalor kiwei de ki nongkitkam
You may also like
-
Dawa ka AJMW&LU ban siew tulop 10 tarik namar ka Behdeiñkhlam
-
Ai burom ia u shipai ba la shongthait bad kaitor ba pawnam
-
Leit tur kyndit ka COMSO ha Secretariat ban dawa pyntreikam ILP
-
Pynkup burom ka NPWF ia ki longkmie ha ka sngi rakhe ‘Mother Day’
-
Pynïasoh UDP palat spah ngut ki nongïalam na kiwei ki party