Pynjur pahara ki BSF ha khappud Indo-Bangla ba wan her ka liengsuin na Turkey

Ki shiphi BSF ka ri India ki la pynjur pahara shilynter ka khappud Bangladesh hadien ba la lap ia ki liengsuin Bayraktar TB2 Unmanned Aerial Vehicle (UAV) na Turkey ka wan her hajan ki khappud ka jylla Meghalaya, Mizoram bad Tripura. Watla ki bor synshar ka Bangladesh ki kam ba ki UAV, ba la pyntreikam da ki shipai 67 ka Bangladesh ban peitngor bad wad bniah man ka por ha khappud, kaba la pynlong ia ki tnad treikam ka India ban buh ka jingma.

 “Ngi dang buddien bha ïa ka jinglong jingman bad ngi la pynjur ïa ka jingpeitngor shilynter u pud jong ka Bangladesh ban weng ïa ki jingeh kiba nangkiew ha ka liang ka jingïada bad ban pynthikna ïa ka jingshngaiñ ha ki khappud,” ong u heh jong ka tnad ïada ri. La pynphriang ïa kane ka jingmaham ha khappud jong ka Bangladesh, hadien ba la ïohi ïa kawei na ki UAV, kaba la ithuh da u transponder code TB2R1071, ba ka her hajan ki khappud ka Jylla Meghalaya, Tripura bad Mizoram. La iathuh ba ia katei ka UAV, la pynher na Tejgaon Airbase, kaba don hajan ka Dhaka ha Bangladesh.

“Ngi buddien bad ban siat ia kino kino ki drone ne kino kino ki tiar kiba pynkhein ia kki kyndon ka ri India”, la ong u heh sorkar da kaba bynrap ba ka don ka peace SoP (Standard Operating Procedure) kaba kdew ba ym don kano kano ka liengsuin kaba her 10 Km hajan khappud.