Pynkhreh ka Sorkar ban thied jaka shna surok High Speed Corridor ha EKH

Ka Sorkar Jylla lyngba ka National Highways and Infrastructure Development Corporation Limited (NHIDCL) kala pynkhreh ban thied jaka na ka bynta ka surok Greenfield Alignment (High Speed Corridor) kaba dei ka surok 4-lane, ha ki shnong ka thain Mawlai bad Mawryngkneng.Ki shnong baka Sorkar kala ithuh ban thied jaka ki kynthup Mawsiatkhnam, Lumkseh, Lumdiengsai, Nonghali, Mawpdang (Mawkhanu), Diengpasoh (Jaroit) bad Mawryngkneng (Mawiong Sung).

Ka ophis District Collector ka East Jaintia Hills District haka kyrwoh kala ong “La pyntip sha ki paidbah ba kino kino ki jingtei thymmai ne ki kam pynroi ha ki jaka bala ithuh ban shna ia ka surok 4-lane Greenfield Alignment (High Speed Corridor) ki dei ban da ioh jingbit shuwa ban trei na ka Ophis u Deputy Commissioner”.

“Nalor kane, la kren shai ruh ba kino kino ki jingtei ba khlem da ioh jingbit-la ki dei kiba shipor ne ba shirta-bala pynieng hapoh ka jaka bala tyrwa pyniaid lynti ia ka surok, hadien bala pynmih ia kane ka notice yn ym khein shuh ba kin dang ioh ia kano kano ka jingsiew bailutksan ha ka por ba thied ia ka jaka ne pyntreikam ia ka project. Kane ka treikam ia ki jingtei ki riew shimet ne ki dukan” la ong ka ophis.Ka District Collector kala ong ruh ba kane ka hukum, kan treikam noh mardor naduh ba pynmih ia ka.