Pynkup burom ka DSWO bad DHEW ia ki samla ha ka Sngi kyrpang ki kynthei

Ka tnad Social Welfare ka sorkar Jylla lyngba ka Ophis jong ka District Social Welfare Officer West khasi Hills District ha ryngkat ka Ophis jong ka District Sankalp Hub For Empowerment Of Women Eastern West Khasi Hills District mynta ka Sngi ka 10 tarik Lber ka la rakhe ia ka Sngi kyrpang ki kynthei kaba la tip kum ka International Women’s Day ha ryngkat ka jingrakhe ia ka jingdap 11 snem ka skhim Beti Bachao Beti Padhao( BBP Scheme ) hapoh Tirot sing Memorial Hall, Pyndengumiong, Mairang.

Ha kane ka Prokram la wan ban ia donlang ka kong I. Warjri, Assistant Director MATI Shillong kum ka Kongsan ha ryngkat ka ka kong P.Kharkongor, HoD Social Work, Womens College Shillong kum ka Symbud Kongsan,ka DSWO WKH ka Kong D.W. Pakyntein,Ka Kong S.Kharkongor DCPO,U OC ka Mairang Police Station U bah S.Kharjana, ki Nongialam Ka Blossom CLF ha ryngkat ki longkmie bad ki khynnah skul.

Shuh shuh ha kane ka Prokram la ioh ruh ban pynkup burom ia ki samla kynthei kiba la pass bha ha ki Eksamin bapher bapher bad ia ki 5 ngut ki samla kynthei kiba la wanrah nam ia ka Jylla lyngba ka jingleit iashim bynta Jong ki ha ki jingiakob bapher bapher kiba la pynlong shabar ka Jylla bad ka Ri kiba la ioh ia ka khusnam Gold, Silver bad Bronze.

Kane ka jingpynkup burom ka long ban ai mynsiem shuh shuh ia ki samla ba kin nang lehbha bad ba kin wanrah nam ia ka District, ia ka Jylla bad ka ri. Nalor kata la ioh ban sam ia ki Reusable Sanitary Pads sha ki 300 ngut ki khynnah skul jong ka thain.

La pyniad ia kane ka Jingialang da ka kong S.Basarngaid, Gender Specialist DHEW Mairang bad la ioh ia ka jingkren na ka kongsan bad symbud Kongsan ha kaba La pyniphuh iPhieng ia kane ka Prokram da ki jingrwai bad ki jingshad na ki khynnah skul ha ryngkat ka skit lyngkot na ka Blossom CLF.