Pynkup burom ka KSU ïa ki samla pule ba pass bha

Ka Khasi Student Union Kupli Area Circle ha ka sngi Saitjain ka 30 tarik u Nailar, 2025 ka la pynkup burom ia ki samla pule ka thain kiba lehbha haki eksamin bapher bapher ha Shnong Saphai. Kane ka jingpynkup burom ia ki samla pule ka long kum ka dak ban ai mynsiem bad ban pynshlur iaki samla pule ka thain ban iai minot ha ka jingpule jong ki. Ha kane ka jingpynkup burom la ia don lang u President Rangbah ka KSU CEC u samla Lambokstarwell Marngar kum u kongsan, ryngkat u Samla Shiningstar Kharbihkhiew environment Secretary KSU sengkmie kum u symbud kongsan haka jingiadon lang ruh naki nongialam ka KSU West Jaintia Hills District Unit naduh u President samla Laitphar Syngkrem,vice President Chanbor War, General secretary Leningrad Tariang bad kiwei kiwei.

Ha shwa ban pynkup burom ka la don ka jingialang lyngkot bala pyniaid da u Samla Leiki Richard Tyngkan u General secretary ka KSU Kupli Area Circle bad la pdiang burom da u samla Balawantei Suchiang u President ka KSU Kupli Area Circle.Ha kane ka sngi la ia donlang ruh ka synjuk ki 13 waheh Shnong ka thain bad la iadonlang ruh u Officers Incharge ka Saphai Police Outpost u bah R.Suiam, kumjuh bah P.K Shullet ba long kum u Engineer ka tnat MeEcl bad Sir Risalan Rymbai incharge ka tnat Fire service Saphai, Dr. Carius Passah bad kiwei kiwei ki riew paw khmat ka thain.

Hashwa ka jingpynkup burom la ioh ban pynlong ia ka drawing competition na ka bynta ki heprit naki katto katne tylli ki skul bad ruh ka debate competition daki khynnah skul halor ka phang ‘Social Media’. La sam ruh iaki khusnam shaki samla pule bad  pynkup burom ruh ia ki rangbah  ba ioh ia ka kyrdan Officer bad iaki Rangbah shnong ha ka thain.