Pynkup burom ka RMVCC ia 107 ngut kiba shah hikai Computer

Ka Ramakrishna Mission Vivekananda Cultural Centre, Shillong, ka la rakhe ia ki jingjop jong ka kynhun ba 107 jong kiba shah hikai Computer bad ka kynhun ba 46 kiba shah hikai language hynnin ka sngi. La sam haduh 745 tylli ki syrnot ia ki shah hikai ha ka jingialang pynkup burom ba kyrpang. Ka Ramakrishna Mission Vivekananda Cultural Centre, Shillongka ieng skhem na ka bynta ka jingpynkupbor ia ki samla lyngba ka pule puthi bad ka jingkyntiew ia ki sap. Kane ka jaka ka ai jinghikai ia kumba 6,000 ngut ki briew ha ka shi snem ha ki jingpule computer kiba pynlong ha san tylli ki bynta. Kane ka jingpynkup burom mynta ka dei ka jingithuh ia ka jingjop jong kumba 1,000 ngut ki shah hikai na ki jylla bapher bapher jong ka thain shatei lammihngi. Kito kiba la wan hakhmat duh ha ki thup bapher bapher ki la ioh ia ki memento bad ki khusnam ba kyrpang ki long, Computer-Beginner: Melabet Joan Mawrie, Intermediate: Emma Dora Lyngdoh Nonglait, Tally-I:Naphisabet Marwein, Tally-II:Riya Das, DTP &Webdesigning:Badarisha Khriam, Database:Medarishisha Ryntathiang, Python:Iarilang Lyngdoh Nonglait bad  DEO:Reynold.

Shuh shuh kaIarilangLyngdohNonglaitbad uSilvesterSylliangki la ioh ia ki kor computer namar ka jingleh bha jong ki. U Swami Vedeshananda, Director of Academics ha kane ka jaka pule u la kitbokkitrwiangia ki shah hikai bad u la pynshlur ia ki ba kin don ki jingmut jingpyrkhat kiba bha. U la kren shaphang ka jingkongsan ban don ka nongrim kaba khlain ha ka imlang sahlang mynta bad u la kyntu ia ki samla ba kin ioh mynsiem na ki jinghikai u Swami Vivekananda. U Prof. MonotoshChakrabarty, Vice Principal ka St. Edmund’s College, u la ai jingkren ha kaba u la iarohia ka jingtrei shitom ki nonghikai bad ka jingieng skhem kane ka jaka pule ban ai ka pule puthi kaba bha ia ki samla kiba wan na kilongiing bapher bapher.

U Swami DivyaswarupanandajiMaharaj, Center-In-Charge, u la pynkutia kane ka prokram da kaba ai jingsngewnguh ia baroh kiba la iadon bynta bad da kaba ai ki ktien jong u Swami Vivekananda ha ka ktien Khasi bad Phareng. Ka Ramakrishna Mission Vivekananda Cultural Centre, Shillong, ka dei ka kynhun ka bym trei na ka bynta ka jingiohnong bad ka peit ia ki kam kiba iadei bad ka jingngeit bad ka jingai jingshakri ia ka imlang sahlang. Kane ka centre ka ai ki jinghikai bapher bapher ba kynthup ia ka training ha ki kam computer, ki jingpule ia ka ktien ka thylliej bad ki kam kiba iadei bad ka deiriti.