Ka Jaintia Students Union (JSU) hynne ka sngi ka la leit jurip ia ka Infiltration Check Gate kaba don ha Rattacherra bad ka lap ia bun ngut ki bar jylla ki bym don ia ki kot ki sla bad kumta ka la phah ia ki ban leit phai noh na ka jaka kaba ki la wan.Ia kane ka jingkhynra la ialam da u President ka JSU u Bah Jersom Shylla bad u General Secretary u Neilkee Mukhin ryngkat bad ki nongialam jongka JSU Khliehriat Circle bad Narpuh Circle.
Ha kane ka sngi, ki nongialam bad ki dkhot ka JSU kila leit jurip ia ka Infiltration Check Gate bad ki lap ia bun ki bar jylla ki bym don ia ki kot ki sla, kumta hadien ba la dep ban khmih bniah ka JSU ryngkat ka jingdonlang ki ophisar jong ka Infiltration Check Gate ka la phah leit phai noh ia kine ki briew ki bym don kot don sla na ka jaka kaba ki la wan.
U President ka JSU u la dawa na ka Sorkar Meghalaya ban pynsted noh ia ki kam ki jam ban pynioh ia ka Inner Line Permit khnang ba ka pateng ban wan kan im suk im saiñ. Ka JSU ka la pynlong ia kane ka jingjurip hadien ba ka sorkar Assam ka la kyndang ia ki mynder ri na ka jylla Assam bad kumta ka JSU ka la khmih ba kine ki briew kiba la shah beh kim dei ban ioh wan rung hapoh u pud ka jylla Meghalaya.
You may also like
-
10 sngi ai por ban jurip ka tnad Tnat Urban bad DS Laitumkhrah
-
Ïaroh u Bah Hamletson ïa ka skul Lawsohtun Presbyterian ia ka jingshakri ha ki 75 snem ban ai jingstad ïa ki khynnah
-
Ther u Dr. Mukul ïa u MLA barim Mominin ba ki la shah ban thep kyrteng ban ïakhun MDC
-
Hadien 14 snem urlong ka Seinduli PHC, jurip u MLA Mawshynrut ryngkat ki Engineer
-
Wan nyngkong ka Meghalaya ha ka Ri ban kynjoh 86 percent ki skul ba lait na u duma