Pynshai ka DREAM ia ki samla ban ieng ha ki kjat hadien ba ki lait na ki jingdih ba sniew

Ka Drug Reduction Elimination and Action Mission (DREAM) kum shibynta ban wanrah ka jingkylla ha ki briew ba la ngop ha ki jingdih buaid kum u drok ka kiad bad kiwei hynnin ka sngi Thohdieng ka la pynlong ia ka ‘Vocational Skill Demonstration’ New Hope De-addiction center kawei na ki jaka sumar ha Mawdiangdiang ba la pyniaid da ka KJP Assembly ka Balang Presbyterian. Ha kane ka sngi la shim bynta da ki nonghikai na kiwei jaka sumar ha Shillong ban pynshai bad batai ia ki ki samla pule bapher ba ki lah ban leit pyntbit ia lade kynthup ka ITI Shillong, Don Bosco Technical School,  Don Bosco Youth Center bad na Meghalaya Skill Development. Ha ka jingia kren bad u Mission Director jong ka DREAM u bah Francis G Kharshiing  ula ong, ka jingwan ban pynshai ka long kum shibynta ba ki samla kin  tip ia ka lawei hadien yn da ki la mih na kane ka jaka sumar.

Ula ong kane ka long shibynta ban ai kam ai jam ia kine ki samla khnang ba kin lah ban ieng ha la ki jong ki kjat. Ka Dream Mission ka dei ka kynhun ka sorkar jylla ban rat dyngkhong pyrshah ia u drok ba la jyllei ha ka jylla ha ka 7 tarik Rymphang ka la pynlong ia ka jingai jinghikai da ka Vocal Additional Training, ha New hope ha Mawdiangdiang Shillong. Ha ka prokram la wan shim bynta da ki school ai training bapher ha ka nongbah, Shillong, kum ka ITI, Don Bosco Youth Centre, Don Bosco Technical School bad ka Meghalaya Skill Development bad na kiwei kiwei.

Ha ka jingkren bad u bah Francis Kharshiing uba dei u Mission Director ka Dream Mission ula ong, ka jingpynlong ia ka Vocal Additional Training ka long ban hikai ia ki khynnah ha ki kam ba ki sngewtynnad, khnang ba ynda ki la koit kin ioh ban seng kam lajong ba kin lah ban ïeng ha la ki jong ki kjat. Ha kane ka sngi uwei na ki khynnah ba la lait na ka jingkyrni ki jingdih ba sniew, ula pynpaw ka jingsngewkmen ba ula lait na jingsniew hadien ba ioh ka jinghikai, ula bynrap kan wanrah ka jingmyntoi ia ki samla ba ngat ha ka jingkyrni ba kin lah ban ïeng ha la ki jong ki kjat.