Ka Synod School bad ka Meghalaya Public School ki la khur ia ka jingjop ha ka jingiakob rwai tynrai ka 3rd State Level Inter-School Traditional Singing Competition ba la pynlong ha Lariti Performing Centre. Ia kane ka jingiakob rwai la pynlong da ka Tnad Arts & Culture ryngkat ka jingiatreilang bad ka Shillong Public School ha kaba bun ki skul ki la wan ban iashim bynta ban pyni ia la ka sap rwai. Ia ka nam lahduh ha ka iakop rwai kynhun la ioh rah da ka Synod School katba ka Meghalaya Public School ka la rah nam lahduh ha ka jingiakob rwai shimet.
Nalor ka rwai tynrai bad ka riam tynrai nylla ka la ktik bad pynsngew tynnad ia ki nongpeit kai ryngkat ki dur jingtem tynrai jong ki riewlum. Ka Kong Silbi Passah kaba la ioh ia ka khusnam Padma Shri, ka la pynkynmaw ia ki khynnah bad ia ki nongpeitkai shaphang ka jingriewspah bad ia ka kolshor kaba naduh hyndai hynthai bad ia ka jingdonkam ban pynneh pynsah ia ka.
U Principal Secretary u Bah FR Kharkongor haba kren kum u Kongsan ula ban jur ba donkam ban pynneh ia ka kolshor tynrai bad ban pyniasoh bad ka mariang bad ula pynthikna ban bteng ia ka jingai jingkyrshan ban pynlong ia kum kine ki prokram, kiba thmu ban kyntiew ia ka jinglong tynrai bad jinglong kyrpang.
You may also like
-
Iathir ki heh shipai Assam Rifles ban pynkhlain bad pyntbit ia ki shipai
-
Mynsaw ki khynnah skul ba kyrwit u phria bad erïong ha Jakhong
-
Kan poi ka por ngin ialeh thma na bynta ka um lada ngim iada ia ki tyllong um:DC
-
T.4.61 klur mang ban tei ia ka R&D Centre ha State Food Testing Laboratory Laboratory
-
Ka Meghalaya ka duna ki ‘Doctor Specialist’, ngi don tang 30 percent: Wailadmiki Shylla