Rakhe dap 58 snem u Bah Sanbor ba ki khunswet ka Rilang Children’s Home

U MLA ka South Shillong Constituency u Bah Sanbor Shullai hynne ka sngi ula leit rakhe iala ka sngikha da kaba ialehkmen bad ki khynnah khunswet jong ka Rilang Children’s Home kaba don ha Nongshiliang, Nongthymmai. Ha kane ka sngi u Bah Sanbor ula leit ban lehkmen bad ki khunswet iaka jingdap 58 snem ka jong u. Ha kane ka sngi la don ruh u Director ka Rilang Children’s Home u Rev. Fr. James Thyrniang, u Additional SP Traffic ka East Khasi Hills u Bah Macjoel Marngar, ki khynnah khunswet bad kiwei kiwei kiba la shah khot sngewbha.

Haba ai jingkren, u Bah Sanbor ula ong ba naduh ba dang khynnah um ju pynlut phut ban rakhe ne lehkmen ha ka sngikha ka jongu bad ula ong ban ia kaba khawai da kaba pynlut da ki lak tyngka kumta kan bha shibun ban rakhe ia ka sngikha da kaba noh synniang sha kito kiba donkam ia ka jingiarap. Halor ka jingpynsngew ki bor pyniaid jong ka Rilang Children’s Home ia kaj ingdonkam ban tei ia ka Basketball Court, na ka liang u Bah Sanbor ula pynbna ban ai T.7 Lak tam ban shna ia kane ka jaka ialehkai na ka MLA Charitable Fund ka jongu.

La pyniphuh iphieng ia kane ka jingrakhe sngikha da ki jingrwai na ki khynnah khunswet bad ka jingot Cake sngikha. Watla bun ki khmih lynti ba kin ioh ia ki jingai nsgewbha ha ka sngikha ka jongki, hynrei u Bah Sanbor uba rakhe ia ka sngikha lajong ula sam kylla da ki jingai sngewbha sha ki khunswet, ki nongpyniaid, ki nongtrei jong ka Rilang Childrens Home bad kiwei kiwei.