Rakhe ka East Jaintia Hills ia ka ‘Diwali with My Bharat’ da kaba wanrah ia ka khuid ka suba

Ka East Jaiñtia Hills District ka la ïasnohkti lang ha ka jingrakhe “Diwali with My Bharat” ha ka ri baroh kawei da ka jingpynkhuid iew  ia ka Iew Khliehriat, kum ka jingnoh synniang kaba khraw ia ka lyngkhuh dap shisnem ka ‘My Bharat Portal\, kaba la plie paidbah da u Myntri Rangbahduh ka ri, u Narendra Modi ha ka 31 tarik Risaw, 2023.  Ia kane ka prokram la ialam da u bah Seven Dar Dkhar, NSS Programme Officer, Don Bosco College Byndihati, East Jaintia Hills.  Ka East Jaiñtia Hills District ka dei ruh tang ma ka na jylla kaba la shah jied na ka bynta kane ka prokram.

Kane ka jingpynkhuid ia ka  iew Khliehriat  la pynlong da ka NSS Unit jong ka Don Bosco College Byndihat  kum shibynta ka jingpynshlur bad ai mynsiem ia ki paidbah ba kin shim jingkit khlieh na ka bynta ban wanrah ia ka jingkhuid jingsuba, bad pynshlur ia ki nongshong shnong ban rakhe ia ka Diwali lyngba ki kam kiba ai jingmyntoi ia ki sawdong sawkun. “Ka long ka burom ia ka East Jaintia Hills ban mihkhmat ia ka Meghalaya ha kane ka prokram kaba la rakhe lang da ka ri baroh kawei. Ngi kyrmen ban bteng ia kum kane ka kam shakri ia ka imlang ka sahlang,” ong u Bah Seven Dar.

Ha kane ka prokram ba la pynlong naduh ka 28 haduh 30 tarik Risaw, 2024, la kynthup lang ruh ia ka jingtrei lang bad ka hospital bad ha ka leit ka wan ki kali.  Ka jingthmu ba kongsan halor kane, ka long  ban wanrah ia ka jingiatylli ki nongshong shnong ha baroh kawei ka district, band ban pyntikna ban wanrah ia ka khuid ka suba ha kane ka samoi lehkmen.