Rakhe ka Hans Foundation ia ka sngi kiba duna dkhot met

Ka Hans Foundation, Phramer West Jaintia Hills hynne ka sngi kala rakhe iaka sngi kyrpang kiba duna dkhot met lane ka International Day for Persons with Disabilities. Ïa kane ka sngi kyrpang ki ba duna dkhot met la pynlong ha Khadarnor Secondary School, Shangpung ha ka ryngkat bad ki khynnah skul, ki nonghikai, ki kmie ki kpa lem bad kiwei kiwei kiba shah khot sngewbha. Ka thong jong kane ka Prokram kadei ban pynksan ia ka jingdonkam ban pynkupbor ia ki briew kiba don jingduna ha ki dkhot met ban ialam bad ban noh synniang ban tei ia ka lawei kaba kham kynthup lang bad kaba neh.

Ia kane ka jingialang la thmu ban pyniasoh ia ki nongiashim bynta ha ki kam kiba kyntiew ia ka jingsngewthuh, jingiasaid, bad jingsngewnguh ia ki jinglah bad ki jingnoh synniang jong ki briew kiba don jingduna ha ki dkhot met. Ha kane ka sngi, la pynlong ia ka jingiakop Slogan na ka bynta ki samla pule ban pynshlur ia ki jingmut jingpyrkhat ki samla bad ban pyrkhat ia ka jingdonkam ban kynthup lang bad ban long nongialam ia ki briew kiba don jingduna ha ki dkhot met. La pynlong ruh ia ka jingialang ai jingtip ban hikai ia ki nongiashim bynta shaphang ki hok bad ki hok jong ki briew kiba don jingduna ha ki dkhot met ha kaba ki riew shemphang ki la ïasam ïa ki jingmut halor ki kyndon aiñ, ki skhim Sorkar.

Da kaba ithuh ia ki jingjop jong ki briew kiba don jingduna ha ki dkhot met, la sam khusnam sha ki nongseng kam seng jam kiba pawnam kiba la noh synniang shibun ha la ki jong ki jong ki kam.