Ka sorkar jylla kala bteng ban ai jingkyrshan ïa ki khynnah pule ha kaba kala sam ïa ki MTAB (PC Tablet) sha ki khynnah pule Klas XI jong u snem 2023-24, ha ka jingïalang kaba la long ha Soso Tham Auditorium, Shillong hynne ka sngi.Ka Myntri ka Koit ka Khiah ka Kong Ampareen Lyngdoh kum ka Kongsan kala sam ïa ki MTAB (PC Tablet) sha ki khynnah pule Klas XI ha kaba la iadonlang ka Deputy Commissioner jong ka East Khasi Hills District ka Kong R.M. Kurbah, u Commissioner & Secretary ka tnad I.T. u Pravin Bakshi bad ki heh ophisar na ka tnad pule puthi.
Khatsan ngut ki khynnah pule na ki skul bapher bapher kiba la ioh pdiang ïa ka MTAB na ka Myntri Sorkar bad na ki heh sorkar kaba dei ruh ka jingiaid shaphrang jong ka sienjam ban sam ïa kine ki MTAB sha baroh ki skul kiba don hapoh ka District. Kane ka jingthmu ka long ban wanrah ïa ka lad ban kyntiew ïa ka rukom ioh jinghikai ki khynnah da kaba pyndonkam ïa ki kor ki bor ha ka kam pule jong ki khynanh skul.
U Pravin Bakshi ula ong, ba ka long kaba kongsan bha ban pyndonkam ïa ki kor teknoloji ha kane ka juk jong ka pule puthi kaba mynta. Ka Kong Ampareen Lyngdoh kala banjur ïa ka jingkongsan jong ka pule puthi bad ïa ka bynta kaba khraw jong ka teknoloji ha kaban saindur ïa ka lawei.
You may also like
-
Ha West Garo Hills bad ha Ri Bhoi, Meghalaya pynieng ïa ki jaka talasi mrad
-
Thung ka Iingbishar I’u ‘Special Officer’ ban peit nongdie madan ha Police Bazar
-
T.8 lak shah dain kuna ka Shakambari Ferro Alloys
-
Kam u Myntri ka jingpyntrei ia ka skhim bylla shispah sngi ka iaid beit ha Jylla
-
Kyntait u Myntri ban thung kynhun tohkit halor ka jinglut ban shna ia ka Ganol Power Project