Ki MDC ka liang pyrshah sha ka Khasi Hills Autonomous District Council (KHADC), ki la jied ia u Bah Titostar Well Chyne MDC ka Sohra kum u Nongialam ka Liang Pyrshah ha ka iing dorbar KHADC. Ki 12 ngut ki MDC ba don ha ka Liang Pyrshah ki kynthup 5 ngut na UDP, 4 ngut na NPP, 1 na HSPDP bad 2 ngut ki MDC shimet. Katkum ki khubor ba la ioh lum la iathuh ba kitei ki MDC ki la shaniah ha ka jingstad u Bah TW Chyne bad ka MDC ka Nongshken ka Kong Grace Mary Kharpuri ban ia pynbeit hapdeng jong ki ban shimti ia katei ka shuki Nongialam ka Liang Pyrshah.
La iathuh hadien ka la don ka jingpynbeit ba u Bah Titos un shimti ia ka kam Nongialam ka Liang Pyrshah, kumta baroh ki MDC ba don ha Liang Pyrshah ki la mynjur ia katei ka rai ba la shim bad la phah ruh da ka jingthoh sha u Chairman ka KHADC u Bah Strongpillar Kharjana ban pynskhem bad ban pynbna ba u Bah TW Chyne yn shimti kum u Nongialam ka Liang Pyrshah ne Leader of Opposition ha KHADC.
Kum ba pynpaw ha ka iing dorbar ba 29 ngut ki MDC ha KHADC, ka VPP ka la don 17 ngut ki MDC ban ialam ia ka Executive Committee thymmai bad 12 ngut ki MDC na ka seng UDP,NPP, HSPDP bad MDC khlem seng kin shong ha ka Liang Pyrshah.
You may also like
-
Ha West Garo Hills bad ha Ri Bhoi, Meghalaya pynieng ïa ki jaka talasi mrad
-
Thung ka Iingbishar I’u ‘Special Officer’ ban peit nongdie madan ha Police Bazar
-
T.8 lak shah dain kuna ka Shakambari Ferro Alloys
-
Kam u Myntri ka jingpyntrei ia ka skhim bylla shispah sngi ka iaid beit ha Jylla
-
Kyntait u Myntri ban thung kynhun tohkit halor ka jinglut ban shna ia ka Ganol Power Project