Ki shipai BSF jong ka BOP SPB Nongkriah Nala, East Khasi Hills ula ujor ha ki pulit ba ha ka 21 tarik u Jylliew ha ka por 9 baje mynstep katba ki dang iaid pahara la ïohi ïa ki briew ba iaid ha khappud Indo-Bangladesh ha ka jaka bym pat ker sainar shiah bad ki shipai BSF ki la iaid kham stet sha katei ka jaka, hynrei kitei ki riew sniew ki la phet krad na katei ka jaka.Ha kawei pat ka jingjia, ki shipai BSF ki la iohi ia ki briew kumba 3 ngut la suba ki dei ki nongIndia hajan ka PO bad mar ia iohi ia ki BSF, kitei ki briew kiba la suba ba ki dei ki nong India ki la phet krad noh sha kajuh ka liang.
Hadien ha ka por kumba 11.30 baje eiei mynmiet, ki Pulit ha ryngkat ki shipai BSF ki la ïatreilang ban pynlong ïa ka jingkhynra ha shilynter ka surok Indo Bangladesh Border Road ba hap hapoh ka Dangar Circle, East Khasi Hills bad bat ïa kawei ka kali Maruti Alto ba don u number ML-05AE-6426 bad saw ngut ba shong ha kane ka kali ba la ithuh u Sukumar Bormon 23 snem, Mongal Bormon 19 snem kiba dei na shnong Nongkriah bad Lakius D Sangma 24 snem na shnong Dholai Bhowal bad kawei ka kyntyhei Bangladeshi ka Tanjila Akhter 28 snem na Digir Par, Narayanganj, Bangladesh khlem ki kot ki sla ba biang.