Ki pulit ka East Khasi Hills, ki la ioh kem 5 ngut ki snar nongtuh thuk thuk bad ki nongpyniaid iew sha Bangladesh. Ia kine ki nongtuh thuk thuk la ioh kem hynne ka sngi na 101 Area bad na ki thain Shella. Katkum ka jingiathuh u Superintendent of Police, East Khasi Hills, Bah Vivek Syiem ula ong, ki pulit Special Cell ki la ioh kem nyngkong ia 3 ngut na 101 Area ba la ithuh kyrteng u bah Timus Warbah 30 snem, u Babar Mawblei 26 snem bad u Synraplang Makri 23 snem kiba dei na Jirang, Ri-Bhoi District.
Kine ki pyndonkam ia kawei ka kali Alto ban iaid kylleng ki jaka ka sor Shillong ban peit ia ki thuk thuk ba ieng harud surok. Ki Pulit ki la kurup ia kane ka kali bad kawei ka thuk thuk KTM ba ki la tuh hynnin ka step na Malki.U Bah Vivek ula iathuh ki pulit ki la ioh kem sa arngut ki briew ba ithuh kyrteng u Meaibor Kharryjja 26 snem ba na Sohlap, Shella bad u Bakordor Rapmai 24 snem na Jatap, Shella kiba ju iarap ban die ia ki thuk thuk sha ki nongthied na Bangladesh.
La suba kane ka kynhun ka donkti ha bun ki kam tuh thuk thuk ha jylla bad ki pulit ki dang pynlong ia ka jingtohkit pyrshah ia ki ban lap dien ia kiwei pat kiba donkti.
You may also like
-
Ha West Garo Hills bad ha Ri Bhoi, Meghalaya pynieng ïa ki jaka talasi mrad
-
Thung ka Iingbishar I’u ‘Special Officer’ ban peit nongdie madan ha Police Bazar
-
T.8 lak shah dain kuna ka Shakambari Ferro Alloys
-
Kam u Myntri ka jingpyntrei ia ka skhim bylla shispah sngi ka iaid beit ha Jylla
-
Kyntait u Myntri ban thung kynhun tohkit halor ka jinglut ban shna ia ka Ganol Power Project