Shah kem u pulit Assam ba shah kynnoh batbor ia ka khynnah ha Block-II

Uwei u pulit na Assam ula shah kem halor ka jingkynnoh leh beijot ia ka khynnah ha  thain Block-II ha khappud bad ka Ri Bhoi District. Ha ka kyrdoh u Superintendent pulit Ri Bhoi, u Vivekananda Singh Rathore, ula ïathuh ka jingjia shah kynnoh batbor ia ka khynnah ka la jia ha ka 27 tarik Nailar ha kawei ka shnong ha Block-II kaba hap hapoh ka jingpeit jong ka Mawlasnai Out Post, Ri Bhoi District.

Ha katei ka sngi mar ia ioh jingtip halor katei ka jingjia ki paidbah nongshong shnong ki la mih hynrei u la lait phet tuh na ki paidbah.Halor kane ka jingjia, ki pulit ki la register mukotduma ha Nongpoh Women PS Case No. 45(08)2025 u/s 3(a)/4/5(a)(iv)(m)/6/18 POCSO Act bad ka jingtohkit ka dang iaid shakhmat. “Ia ka kynhun pulit la phah hynnin ka sngi sha Lumding, Assam ban kem ïa utei u briew ba shah kynnoh ba la ithuh kyrteng u Projen Langthasa jong ka 18th APBN, Lumding bad ki la kem hynne ka nohphai sngi na Lumding, Assam bad la wanrah sha Nongpoh mynta ka janmiet”, ula bynrap.

 “Ngin shim ki lad ban pyndep kloi ia ka jingbishar bad ban pynthikna ka lanot kan ioh ka jingbishar hok halor kane ka jingjia bad ka sorkarka dei ban siew lutksan ia ka lanot katkum kyndon ain sha u nongshah lehbein da ka sorkar jylla,” la ong u Vivekananda Singh Rathore bad ula ai khublei ïa baroh ki ophisar ka Meghalaya bad kumjuh ruh ïa ki pulit Assam kiba la ïarap haduh ban ioh kem ia utei u pulit runar ba shah kynnoh.