U President ka National People’s Party (NPP) ka Jylla u Bah Prestone Tynsong uba long ruh u Symbud Myntri Rangah ka jylla, ha ka jingialap elekshon ha ka sngi Saitjain ha Laitkroh ula kular ba ka sorkar jylla kan pynbeit ia ka kam halor ka jingkhang tih maw bad shyiap ha jylla kaba la ktah ia ki paidbah. Ula ong, ka jingkhang ban tih maw bad tih syiap ka la ktah ia ki trai ri kiba kamai jakpoh bad ula kyrpad ia ki paidbah ba kin ap ia ka por kaba biang.
“Nga kyrpad ba phin shaniah ia nga, kum u MLA jong phi (shwa ka jingphiah constituency) bad ruh ban shaniah ia ka NPP ba ialam ia ka Sorkar, ba ngin pynurlong ia ka jingangud jong phi khnang ba ngin ym ban iap thngan. Nga kular ia phi ki paidbah ka constituency” la ong u Bah Prestone. U Bah Prestone ula kular ban peit ia ka hukum ba la pynmih dang shen halor ka jingkhang dur masi bad ula ong, ba un shim khia ryngkat ka jingkitkhlieh ban pynbeit ia kane ka mat.
U Bah Prestone ula kyrpad ia ki paidbah ban vote ia u Bah Rahboklang Tynsong, u kyrtong ka NPP uba dei u pyrsa jong u na ka Langkyrdem-Laitkroh bad ula kyntu ia ki paidbah ba kim dei ban ngop ha ki jingpynbiej ki briew, kiba tbit ban kren tang ha surok hynrei ki dei ban shaniah ia u kum u nongialam.
You may also like
-
Ha West Garo Hills bad ha Ri Bhoi, Meghalaya pynieng ïa ki jaka talasi mrad
-
Thung ka Iingbishar I’u ‘Special Officer’ ban peit nongdie madan ha Police Bazar
-
T.8 lak shah dain kuna ka Shakambari Ferro Alloys
-
Kam u Myntri ka jingpyntrei ia ka skhim bylla shispah sngi ka iaid beit ha Jylla
-
Kyntait u Myntri ban thung kynhun tohkit halor ka jinglut ban shna ia ka Ganol Power Project