Ka Sorkar Jylla ka dang pynkhreh ban pyntreikam noh ia ka Chief Minister’s Regional Connectivity Scheme na ka bynta ban pynsuk ia ka leit ka wan ki paidbah ha kylleng ka Jylla. Dang shen ka kynhun Myntri Sorkar ka la mynjur ban thied 90 tylli ki bos ban aiti sha ki nongsengkam lajong ban pyntreikam ha kylleng ka Jylla.
Na ka liang u Commissioner Secretary ka tnat Transport u Sanjay Goyal ula ïathuh ba ka tnat ka la dep wad bniah haba ia dei ba rukom leit wan ki paidbah da ki kali na nongbah District sha ki nongbah jong ki Block hapoh ka Jylla. U Goyal ula ïathuh ba ka Sorkar kan iarap ia ki nongsengkam lajong ban shim ïa kane ka skhim baka Sorkar ka kwah pyntreikam ka ban dei ruh ka lad ioh kam bad ka lad aikam ïa kiwei pat. Ula ïathuh ba ka Sorkar kan ïakren bad ki Bank ban airam ia ki nongsengkam lajong, lada ki kwah ban pynïaid ïa kine ki Bos.
Ka thong jong ka Chief Minister’s Regional Connectivity Scheme ka buh hakhmat eh ïa ki lynti kiba pynïasoh ïa ki jaka treikam jong ki district bad ki block ban pynthikna ba ki briew kin poi ha ka por kaba biang haduh ka por 9:30 baje mynstep bad ki mih haduh ka por 5:30 janmiet ban pyndap ïa ki nongleit ophis, ki samla pule, ki nongpang, bad ki nongleit nongwan ha ka thaiñ.
You may also like
-
10 sngi ai por ban jurip ka tnad Tnat Urban bad DS Laitumkhrah
-
Ïaroh u Bah Hamletson ïa ka skul Lawsohtun Presbyterian ia ka jingshakri ha ki 75 snem ban ai jingstad ïa ki khynnah
-
Ther u Dr. Mukul ïa u MLA barim Mominin ba ki la shah ban thep kyrteng ban ïakhun MDC
-
Hadien 14 snem urlong ka Seinduli PHC, jurip u MLA Mawshynrut ryngkat ki Engineer
-
Wan nyngkong ka Meghalaya ha ka Ri ban kynjoh 86 percent ki skul ba lait na u duma