Shim bynta ki samla pule na jylla ha ka ‘Fun-O-Rama’ ka MLCU

Ka Martin Luther Christian University (MLCU) ka la pynlong ïa ka tamasa kolshor ba shisien man u snem hapdeng ki kolej, ka Fun-O Rama 2025, kaba la khring ïa ki samla pule na ki kolej ha nongbah Shillong ha katei ka sngi ba iatreilang bad ka jingrakhe. Ia kane la pynlong da ka Student Council kum rynsan ban pyni ia ka sap ka phong, ka jingsain dur ha ka pule puthi bad ka mynsiem iatreilang. Ha ka jingiakop pynidur (Cosplay Competition) ka Jasmine bad u George na ka Shillong College ki la jop ha ka kyrdan banyngkong, ba-ar ka Grace V. Sailo na J.D. Institute Designing, Bangalore bad ka Rimika Wanniang na Synod College, Shillong. Napdeng kiwei ba la ioh khusnam ki long u Pynshngain B. Lyngkhoi na MLCU, Shillong uba la ioh khur ia ka nam Best Performance, u Iahunlang Kharmyndai bad u Daryll Warjri na Shillong Commerce College, Shillong ki la rah ia ka khusnam Best Costume, bad ka Della Nongspung na Lady Keane College, Shillong ka la ioh ïa ka khusnam Judge Choice.

Ha kane ka tamasa ki don ki stall bapher bapher kum ki jingrwai bad jingshad, ki jingïalehkai bad ki jaka bam ban pyni ia ki jinglah jong ki ha ka jingpule ban khring ia ki nongwan jngohkai. Ha kane ka sngi u bah Rieward V. Warjri u ophisar IFS ba la shongthait ula shim ia ka bynta kum u kongsan bad ha ka jingkren ula ïaroh ïa kane ka skulbah kaba lah ban kyntiew ïa ka jingïatylli bad ka jingpynwandur hapdeng ki samla. U wei na ki dkhot ka Student Council ula ong, “Ka Fun-O-Rama ka long kham palat ban ïa ka tamasa—ia ki smala pule halor ka jingïadei para samal pule bad ka imlang sahlang.”

Ka Fun-O-Rama 3.0 ka lumlang ïa ki samla pule na ki jaka pule bapher ban iakmenlang ryngkat ki kolshor tynrai.