U Justice Soumen Sen hynne ka sngi ula bam smai kum u Chief Justice ka iingbishar Meghalaya High Court. U Lat ka jylla u CH Vijayashankar ula pynbam smai ia u Justice Sen ha ka jingialang ha Raj Bhavan ha jingiadonlang u Myntri Rangbah ka jylla u Conrad K Sangma, u Symbud Myntri Rangbah ka jylla u Bah Prestone Tynsong, u Nongialam ka Liang Pyrshah u Dr Mukul Sangma, ki Myntri Sorkar, ki heh ophisar sorkar, ki nongbishar bad ki nongiasaid ain.
U Justice Soumen Sen ula shimti ia katei ka kam hadien ba u Chief Justice barim u I. P. Mukerji ula shongthait noh ha ka 5 tarik u Nailur, 2025. Ia u Justice Sen la shah thung kum u Chief Justice da ka President ka ri India ha ka 26 tarik u Nailur, hadien ka jingai jingmut ka Supreme Court Collegium.
U Justice Soumen Sen ula rung ha ka kam iasaid ain bad ka Bar Council West Bengal ha u Kyllalyngkot, 1991 bad ula shakri la bun snem ha Calcutta High Court bad ha u snem 2001 ula shah thung noh kum u Judge ne u Nongbishar ka Calcutta High Court.
You may also like
-
Buh thong ka Sorkar ban wanrah Film City ha Meghalaya
-
Pynlong ka CBC ia ka jingialang iamir jingmut halor ka jingkhuid bad ki jingbam tei met
-
Dang bishar ia ka jingdawa thung kynhun tohkit halor ka jingiakynad ha Garo: Conrad
-
Ka jingkhang ia ki Haat khappud ka ktah ia ka kamai ki paidbah ha khappud India-Bangla
-
Iathir ki heh shipai Assam Rifles ban pynkhlain bad pyntbit ia ki shipai