U Symbud Myntri Rangbah ka jylla u bah Sniawbhalang Dhar ha ka shiteng miet jong ka sngi Saitjain ula leit jngoh ia ka jinglong jingman ha Khyndailad, Shillong.
Ha katei ka jingleit jngohkai, u Symbud Myntri Rangbah ula ong ba ula leit jngoh khnang ban iadih sha bad ki paidbah ban sakhi iaka jinglong shngain katei ka thain bad ula pynpaw ia ka jingsngewtynnad ba ka thain Khyndailad ka long kaba shngain bad hui hui ban iaid kai. Ula ong ba hadien ba la pynkynriah ia ki nongdie madan, ka thain Khyndai Lad kan sa long ka jaka kaba kham itynnad shuh ban iaid kai, iaid pynngad ki paidbah ha ka por mynmiet kumba long sha ki ri phareng.
Ula pynpaw ia ka jingsngew kmen ban iohi ba ki paidbah ki dang shngain bad leh kmen ban shangkai ha Khyndai Lad wat hapdeng shiteng miet ruh, ym kum mynshwa ha kaba tang 7 baje janmiet la kynjah briew jar ha Khyndai Lad ha kaba wat u miaw u ksew ruh um don shuh.
You may also like
-
Pynbna u Bah Prestone ban shna surok sha Mawkhap-Nongjri Wahskong
-
Pyni riam tynrai Khasi Jaintia bad Garo ha Paris
-
Thut ka rukom sam um ba bthei ki Pipe ba trei torti ka NHIDCL, kynnoh u Myntri
-
Yn buh kamera CCTV sa 20 tylli ki shnonng nalor ka Mawlai Mawroh
-
Tar hi u MDC ia ka plastik ïong na ka ïit kali ba shah rah ha Police Station