U slap ba jur ula ther hynne ka nohphai sngi kaba la wan rah ïa ka jingslei um kaba shyrkhei ha ka surokbah ba don marjan bad ka Umling Facilitation Center ha shnong Umling bad kane ka jingshlei um ha katei ka surokbah ka la wan rah ruh ïa ka jingdheng kali kaba la neh da ki kynta bad kaba la pynthud ruh ïa ka leit ka wan jong ki Paidbah.
Ka daw ba la pynlong ïa katei ka jingshlei Um ka dei na ka jingthud jong ki Nala bad ka bym biang ia ka rukom shna, bad ka Um ka lang ha baroh artylli ki Lane jong u Surok bad ka la wan rah ka jingdheng Kali na ka daw ba ki Kali kim lait shuh ban ïaid lyngba kane ka surok khamtam ki kali rit namar ka jingheh jong ka um kaba lang ha katei ka surok kaba la long kum kawei ka pung.
Ban lait na kino kino ki jingjia kiba kham eh, Ki Pulit pynïaid kali na Nongpoh ki la poi ha katei ka jaka ban pynlait kawei pa kawei ka Kali bad na ka liang ka Compani shna surok NHAI ki la phah ia ka kali puh shilum ban tynruh bad ban pynkhuid ia katei ka nala kaba dei ka daw jong ka jingshlei um.
You may also like
-
Iakynduh u Air Marshal bad ki nongthoh khubor
-
Hadien shisnem tam ba pynjari President RuleThaw sorkar ka BJP ha Manipur, u Yumnam Khemchand kum CM
-
Ka New Shillong Water Supply Scheme ka kynthup 32 ki shnong
-
Palat T. 35 Lak tuh ki runar na ka ATM ha Mylliem
-
Plie u Myntri sorkar ïa ka Sampoornata Abhiyan 2.0 : 5 tylli ki KPI yn peit ka Ri Bhoi