Shongkun ka Dorbar Kur Kharbteng na ki jingsneng ki Rangbah Kur

Ka Kur Kharbteng ka la pynlong ia ka Dorbar Kur Pyllun ba Hynriew ha shnong Umlyngka ha ka 31 tarik Lber, 2025. Kane ka jingiakynduh ka long kaba shongkun da jingsneng jingkraw na ki Nongialam ka Dorbar Kur kynthup u Pastor (Dr.) Khrawor Kharbteng ba long u President, Bah Staising Kharbteng ba long u General Secretary, ki kmie, ki kni bad kiwei. La pyniaid ia kane ka Dorbar Kur da u Bah Twinklestar Kharbteng ba long u Vice President. La ioh ka jingpynkup burom da ka kur ia u Bah Piston Roy Kharbteng halor ka jingioh khusnam National Dairy Farmer Award ha ki snem ba la dep, ia u Ma Brolan Kharbteng u kni rangbah ka kur na Mawsynram, ki kmie rangbah duh ka kur Kharbteng baroh kawei kata i Meiieid Ailet bad Meiieid Klas na Mawsynram, Mei ieid Prin na Umlyngka bad Mei ieid Blin na Lyngiong.

Ha kane ka sngi la ioh ka jingot cake da u kni bad ki kmie rangbah ka kur kum ka dak jong ka jingdap 15 snem ka Dorbar Kur Kharbteng ba la seng ha u snem 2010 ha shnong Umlyngka kaba long ka tynrai ka kur Kharbteng ba la saphriang kylleng sawdong ka Bri u Hynñiewtrep na kane ka shnong. Ka Dorbar ka la pynskhem ruh ba u President ka Dorbar Kur Kharbteng un long u Rangbah Kur kumba la kdew da ka riti treikam ka Dorbar Kur. Ha kane ka sngi la ioh ban pynthymmai ia ki nongkitkam na bynta ka samoi treikam ba ar snem 2025-2027.

La jied adviser ia u Dr Boxter Kharbteng bad Pastor (Dr.) Khrawor Kharbteng, President Bah Twinklestar Kharbteng, Vice President Bah Benningson Kharbteng bad Bah Sam Austin Kharbteng, General Secretary Bah Staising Kharbteng, Joint Secretary Bah Remy Nelson Kharbteng bad Bah Orbinstone Kharbteng, Treasurer: Kong Veribel Kharbteng, Organizing Secretary Bah Wander Kharbteng,  Asst. organizing Secretary Bah Fredy Kharbteng, Bah Dassing Kharbteng, Bah Fullmon Kharbteng, Executive Member: Kong Maygreen Kharbteng,Kong Jenita Kharbteng, Kong Destinola Kharbteng, Kong Merilyne Kharbteng,Kong Blatsibon Kharbteng, Kong Kynshew Kharbteng, Bah Kestor Kharbteng, Bah Arnold Kharbteng, Bah Ialamphrang Kharbteng bad kiwei kiwei. La pynbna ba ka Dorbar Kur Pyllun ba hynñiew kan long ha u snem 2027 ha Lyngiong.