T.700 klur ka sorkar kam pat siew ia ki kontraktor ba pyntrei ka skhim JJM

Ka seng Meghalaya State Council of Contractors & Suppliers Welfare Association (MSCCSWA) mynta ka sngi ka la leit ban iakynduh ia u Myntri ba dei peit ka PHE, Shri. Marcuise N. Marak ha ophis treikam jong u, ban aiti lem bad ka dorkhas halor ka jingdawa ba ka sorkar ka dei ban pynlait noh kloi ia ki bill lyngba ka song tyngka kaba dang pynslem palat ba dei ban siew sha ki contractor khamtam kiba long ki paidb riewlum jongka Jyalla Meghalaya kiba la dep ban pyntrei ia ki kam sha ka sorkar ha ka scheme Jal Jeevan Mission (JJM) la bun snem mynta.Katba ka sorkar pdeng ka dang pynkhreh ban pynlait ia ka song pisa na ka bynta u snem 2025-26, ka jingkhia ka la wanrah ia ka jingkylla ban jur ha ki contractor kiba bun khamtam ia kito ki ba trei hok halor ki kam kum ki contractor khlem da don ba iarap da ki MLA ne Myntri jongka Sorkar Jylla, kiba long ruh ki riewlum nongshong shnong jongka Jylla Meghalaya kiba pyntrei hapoh kane ka scheme JJM. Ka jingpynslem ban pynlait ia ki bill kumba T.700 klur tyngka kaba dei ka pisa ban siew sha ki contractor, ka la wanrah da ka jingsngewkhia kaba khraw, namar ki la dep ban trei bad kit khlieh ban pyndep ia ki kam na ka bynta ka bha ka miat halor ka jingdonkam bad jingmyntoi ka imlang sahlang.Ka seng MSCCSWA ka la pyntip ba ka la leit ruh ban iakynduh bad iathuh sha u Chief Engineer jong ka PHE Department Bah R. S. Nongbri halor kane hi ka mat kaba iadei bad ka bha ka miat jong ki contractor bad ruh kiba dei ki paidbah ba peit ia ka bha ka miat lem bad ka kamai kajih na bynta ka jingbha halor ka longbriew man briew ba manla ka sngi kumba ka long hapdeng ka Ri Khasi bad Jaintia Hills.Da katei ka jingdawa, ka

MSCCSWA ka khmih lynti ba ka sorkar bad ki bor ba dei khmih kan shimkhia mardor ban pynlait noh ia ki bill bad ka pisa jong ki contractor, khnang ba baroh ki project kiba la pyndep kin nym sahkut bad ban lah ruh ban aiti shuh shuh ia ki kam paidbah kumba la hikai da ka Jal Jeevan Mission ba ki longїing longsem kin ioh ka umbam umdih ha la ki iing lajong.Na ka liang jong u Myntri ka tnad sam umbam umdih jongka Sorkar Jylla u la pdiang ia kane ka bynta haba pynsngew lyngba ka association bad u la pynsngew ruh shaki Nongialam jongka kynhun ba kan ym slem shuh lada ka Jylla lyngba ka PHE department ka la ioh ban pynkhreh lut ia baroh ki kot jingdonkam kiba ka Sorkar Kmie ka dei ban ioh. U Myntri u la mynjur ruh ba un shimkhia noh kham kloi katba lah na ka bynta ka jingmyntoi jong baroh ki contractor trai ri hapoh ka Jylla kiba iakynduh jingeh halor kiwei pat ki kam haba phai halor ki Calling Tender Works jongki kam kiba thymmai lem bad kiwei ruh kumjuh khlem da shah ialam bakla haduh ban wanrah jingeh ia ki ba bun.

Ka Association kaba ieng kum kawei na ki kynhun jongki contractor Riewlum ha la kajong ka Jylla, ka la pynsngew ruh sha u Myntri Sorkar Jylla ba ymdei ban ailad palat liam ia ki company ba nabar ne ki contractor bym dei riewlum ba kin wan ban shimti lut ia baroh ki kam hapoh ka Jylla lada dei ki skhim Sorkar Pdeng ne Sorkar Jylla ruh kumjuh katba ki contractor trai ri trai muluk kiba don hapoh ka tnad treikam jongka PHE kidang lah ban shimti bad pyndep khlem kano kano ka jingeh. Ka kynhun ka la pynsngew ruh ba lada kane kan iai jia man la ka por ne kumjuh sha kiwei pat ki tnad treikam jongka Sorkar kiba don hapoh ka Jylla Meghalaya kalah ban pynpaw ryngkew da ka jingwanrah ban kyntiew ia ka bamsap bampong khlem jingiada shuh ia ki jingdonkam jong ki paidbah Nongshong shnong trai ri trai muluk manla ka sngi.Ka kynhun ka hap ban pynsngew ruh ia kane ka mat kaba kongsan sha baroh kiwei pat ki contractor trai ri trai muluk da kaba maham tyngeh ia barohlang kumjuh ba kimdei ruh ban pyrshang shim kabu shimet ia kano ka bynta halor ka jingtreikam lyngba ki tnad Sorkar ne wat ban wanrah benami tangban ialam bakla ne pynkylla dur kumba bishni ha kaba ieng ban shimti ia ka kamai kajih na bynta ka bha ka miat halor ka longbriew manbriew ba manla ka sngi lyngba ka ïing ka sem bad kidei ruh ban pyntiplang kumjuh ne wat ban pyrshang kumno ban iarap lem lada shem ba kidon ki lad ki lynti khamtam ia ki para contractor kiba dang rit ne dang sdang ban treikam ym ban shu pyrshang ban iuhroit hapdeng para riewlum da kaba pyrshang ban klun shalade tang ban myntoi kaba long ka kamai jakpoh jongbaroh lang ha la kajong ka Jylla.