Ka kali u MDC Congress na Saphai Sahsniang Constituency u Rikut Parien ha ka 16 tarik mynta u bnai ka la shah rah sha Jowai police station na ka daw ba tah plastik ïong ia ka iit ba nadien ka kali jong u. Ha katei ka por ba u shah rah la donlang ruh ki ar ngut ki paralok jong u. Mar ia poi ha phyllaw ka police station une u MDC khlem bun ktien ula tar hi da lade ia ka plastik ïong ne (sun controle) ba la tah ha ka iit nadien ka kali Maruti Car jong u.
U Rikut Parieñ MDC ka JHADC, u ai khublei ia ka tnat pulit ba ka la shim ia kane ka sienjam ban pyntreikam ia ka SOP katkum ka hukum ka ïingbishar Supreme Court, ha kaba ma u ruh um kwah ban ialeh pyrshah ia ka aiñ bad dei ka jingbakla tah u Driver jong u, kumta ma u ruh u kloi ban tar da lade.
Une u MDC u kyrmen ruh ba ka tnat pulit kan pyrkhing katkum ka aiñ bad pyntreikam salosar naduh ki Kali rit haduh ki kali heh ne ki kali rem dor, namar ka aiñ kam ñiew shiliang ia u rit ne khraw hynrei ka trei salonsar.
You may also like
-
Iathir ki heh shipai Assam Rifles ban pynkhlain bad pyntbit ia ki shipai
-
Mynsaw ki khynnah skul ba kyrwit u phria bad erïong ha Jakhong
-
Kan poi ka por ngin ialeh thma na bynta ka um lada ngim iada ia ki tyllong um:DC
-
T.4.61 klur mang ban tei ia ka R&D Centre ha State Food Testing Laboratory Laboratory
-
Ka Meghalaya ka duna ki ‘Doctor Specialist’, ngi don tang 30 percent: Wailadmiki Shylla