Shi bynta ban pynrem bad sngewlem halor ka jingshah siat iap ki 26 ngut ha Pahalgam, Jammu & Kashmir dang shen, ka Meghalaya Citizen ka la pyllong ia ka jingthang mombati mynta ka sngi ha Khyndai Lad, Shillong. Ki paidbah kylleng kila wan ban ialum lang ha kane ka jaka mynta ka sngi por 5 baje janmiet ban thang mombati halor kane ka jingjia. Ki kynhun bapher bapher kila wan shim bynta ha kane ka jingthang mombati bad ka pynrem ia ka Pakistan halor kane ka jingjia.
Lah ban kdew ba ha ka 22 tarik mynta u bnai, 26 ngut ki nongleitkai ha Pahalgam, kila shah siat iap ha ki lehnoh kiba shu wan ban synreit kuli naphang katba ki dang lehkmen ia ka jingitynnad katei ka jaka kaba pawnam bha ha ka kam jngohkai. Kiba wan ban iashim bynta ha kane ka jingthang kila pynpaw ia ka jingpynrem jur ia kane ka jingjia, kaba wanrah ia ka jingshong syier ia ki paidbah.
Ha kajuh ka por, ka kynhun ki nongshong iew kynthup ki trai dukan ha Iewduh, kila pynbna ban pyllong ia ka jingkhang dukan lashai ka sngi 28 tarik Iaiong, 2025 kum shi bynta ban pynpaw ia ka jingsngewsih bad sngewlem halor kane ka jingjia.
You may also like
-
Buh thong ka Sorkar ban wanrah Film City ha Meghalaya
-
Pynlong ka CBC ia ka jingialang iamir jingmut halor ka jingkhuid bad ki jingbam tei met
-
Dang bishar ia ka jingdawa thung kynhun tohkit halor ka jingiakynad ha Garo: Conrad
-
Ka jingkhang ia ki Haat khappud ka ktah ia ka kamai ki paidbah ha khappud India-Bangla
-
Iathir ki heh shipai Assam Rifles ban pynkhlain bad pyntbit ia ki shipai