Thaw Committee ka Sorkar ban bishar ia ki jingdawa ka AKMTTA

Ka Sorkar Jylla kala thaw daka Committee ban khlieh da u Director ka tnat Tourism ban khmih haba iadei bad ki jingdawa ka All Khasi Meghalaya Tourist Taxi Association (AKMTTA). Kane ka Committee kan shong bishar iaki jingdawa ka All Khasi Meghalaya Tourist Taxi Association (AKMTTA), kaba la dawa naka Sorkar ban khang iaki kali bar Jylla ban kit nongwan shangkai suwari sha ki jaka jngohkai pyrthei ha Meghalaya. Ia kane la pyntip da u Myntri Rangbah ka Jylla u Conrad K Sangma bad u la pynthikna ba u la ioh pdiang ka Dorkhas naka AMTTA halor kane ka mat.

“Nga la bthah ia u Director ka tnat Tourism ban thaw daka Committee ha kaba ki dkhot kin kynthup naka tnat Tourism, Law, Police, ki Bor District bad kiwei ki tnat kynthup lang ki nongialam ka AMTTA” la ong u Conrad. U Conrad u la ong ba kane ka Commission kan wad bniah halor ki jingeh bad ki jingshah ktah iaki Taxi Dribar, katno ngut don ki Taxi Dribar, katno ngut ki don ki don ki nongwan jngohkai pyrthei kiba wan shaka Jylla.

U la ong ba kane ka Committee kan shim iaki jingai jingmut jong ka AKMTTA, hashuwa ban shim ia kano kano ka rai ba khatduh.“Hadien bala pyntip (Notify) iaka Committee ngan sa lum ka jingialang jong baroh kiba don bynta ha kane ka phang ban sngewthuh shai halor ki jingdawa bad kumno ban iaid shakhmat” u la ong.