Hynne ka sngi haduh kumba 14 ngut ki kyrtong ka party VPP kiba la thep kyrteng ha ophis u Deputy Commissioner ka West Jaiñtia Hills District naka bynta ban iakhun iaka election MDC shaka JHADC naki 14 tylli ki constituency.
Haba kren shaki lad pathai khubor hadien ba ki 14 ngut ki kyrtong kila dep thep kyrteng, naka liang u Chanbor Rymbai u kyrtong VPP naka Moodop Umladang Constituency, u iathuh ba ka party ha ryngkat ki kyrtong ban iakhun kila ia pynkhreh bha bad kaba pynsngew kmen iaki ka long ba haba ki leit na kawei ka jaka sha kawei pat ki briew ki pdiang sngewbha iaki. Bad haba kylli ia ki mat ba ka party kala pynkhreh naka bynta kane ka election, u ong ba ka party kan sa pynbna paidbah lyngba ka Manifesto jong ka party.
Haba kylli shaphang ka constituency jong u ka Moodop Umladang, kaba un iakhun pyrshah bad u CEM JHADC u Thombor Shiwat, naka liang u Chanbor Rymbai u ong kiba bun hi ki briew kila stad mynta bad kila dep rai lypa, kumta u kyrmen ban jop ka jingstad, ban jop ka jingshai iaka jingdum.
You may also like
-
Pynbna u Bah Prestone ban shna surok sha Mawkhap-Nongjri Wahskong
-
Pyni riam tynrai Khasi Jaintia bad Garo ha Paris
-
Thut ka rukom sam um ba bthei ki Pipe ba trei torti ka NHIDCL, kynnoh u Myntri
-
Yn buh kamera CCTV sa 20 tylli ki shnonng nalor ka Mawlai Mawroh
-
Tar hi u MDC ia ka plastik ïong na ka ïit kali ba shah rah ha Police Station