Ka Tomdaksan Farmer Producer Organization (TFPO) ha kane ka sngi Thohdieng, ka la lah ban shalan haduh 3000 ton u Sohtrun sha ka North Eastern Regional Agricultural Marketing Corporation Limited (NERAMAC). Kane ka kynhun Tomdaksan Farmer Producer Organization, ka la shim ia kane ka sienjam kum shi bynta ban kyntiew ia ka rep ka riang ha ka jylla bad ban iarap ia ki nongrep jong ka Samanda Block, East Garo Hills kaba dei kawei na ka Block kaba khlain ha ka jingpynmih ia une u marrep.
Ka Tomdaksan ka dei kawei na ka kynhun ha jylla, kaba la seng ha u snem 2021–22 na bynta ban pynmih ia u marrep kum u Sohtrun, sohniamtra nalor kiwei de ki jait soh. Khnang ban lah ban nang kyntiew shuh shuh ia ka rep ha riang ha kane ka jylla, ka NERAMAC kala kular ba man u taiew kan thied 6 ton u Sohtrun na ka Tomdaksan Farmer Producer Organization.
Lyngba ka jingkyrshan na ki skhim sorkar kum kanMission for Integrated Development of Horticulture (MIDH), PM Formalization of Micro Food Processing Enterprises (PMFME) bad ka One District One Product (ODOP), ka district kala pyniar ha kaban sain ia u sohtrun, ban song bad ban pynbiang ia ka kit ka bah.
You may also like
-
Iathir ki heh shipai Assam Rifles ban pynkhlain bad pyntbit ia ki shipai
-
Mynsaw ki khynnah skul ba kyrwit u phria bad erïong ha Jakhong
-
Kan poi ka por ngin ialeh thma na bynta ka um lada ngim iada ia ki tyllong um:DC
-
T.4.61 klur mang ban tei ia ka R&D Centre ha State Food Testing Laboratory Laboratory
-
Ka Meghalaya ka duna ki ‘Doctor Specialist’, ngi don tang 30 percent: Wailadmiki Shylla